Faladhārā

Mangalam

Yatkāruṇyakaṇa-sparshānmuktih karatalāyate;

Nārāyaṇa-swarūpāya namo’stu bhadrakānkṣhayā. 489

Sādhanam chet prasādāya prasādāt-sarvamāpyate;

Prasādāllabhate muktim jīvannapi mṛuto’pi vā. 490

Bandhana-muktyoh swarūpam

Bandhah satyastathā muktih sarva-jīveshvarā’’tmanām;

Anādya-jnyānato baddhāh sādhanān-muktim-āpnuyuh. 491

Mmuktirhi svātma-brahmaikya-pūrvakam dāsabhāvatah;

Bhajanopāsanam prītyā Swāminārāyaṇa-prabhoho. 492

Sā punardvividhā proktā brahma-sthitimatām dhruvā;

Ekā jīvat eva syād anyā cha maraṇādanu. 493

Nivṛuttireva no muktir-avāptistūchyate tadā;

Brahmabhāvayutā bhaktir-apūrvā hi prajāyate. 494

Akṣhara-Puruṣhottamābhyāmatiriktānām nityamuktatvam nāsti

Dvāveva nityamuktau sto hyakṣharapuruṣhottamau;

Tābhyām bhinneṣhu sarveṣhu nā’nādimuktatā matā. 495

Jīvānāmīshvarāṇām cha hyanādibandhanam dṛuḍham;

Janimṛuti-pravāhāntah-pātitvam ādishūnyakam. 496

Ato na nityamuktatvam nā’nādirbrahmarūpatā;

Kasyā’pi labdhamokṣhasya jīvasya veshvarasya vā. 497

Sādirapi tu sā muktirna nidhanavatī matā;

Swāminārāyaṇānanda-divya-sampatti-sambhṛutā. 498

Yāmavāpya punarnaiva māyābandhana-sambhavah;

Jīvato divya-deshe vā sthitasya chetanā’’tmanah. 499

Jīvanmuktih

Jīvato brahma-bhāvoktih shrūyate smaryate’pi cha;

Īshe kaṭhe ch muṇḍe cha gītāsu vachanāmṛute. 500

Khaṇḍanam jīvato mukteh shāstralopā’’vaham bhavet;

Pratyakṣhajā pratītishcha viruddhyet sarvasākṣhikā. 501

Videha-muktih

Dehapātottaram labhyā videha-muktiruchyate;

Akṣharadhāmni bhogyeyam mūrtimadbrahmaṇā saha. 502

Prāpya navām tanum brāhmīm parātmā’’kāra-sannibhām;

Nitya-dvibhuja-pādādi - divyakaraṇa-sanyutām. 503

Sarve muktāh samā’’kārā nyūnādhikatva-varjitāh;

Strī-puruṣhatva-shūnyāshcha kṣhudhādi-rahitāstathā. 504

Nimagnāh sahajānande pragāḍhā’’nanda-sevitāh;

Kurvāṇā brahmabhāvā’’ḍhyām tadbhaktim dāsabhāvatah. 505

Muktāvapi tu muktānām bhedo’styeva swarūpatah;

Mithashchā’kṣharatashchaiva puruṣhottamatastathā. 506

Sthānadehādibhedāddhi muktyoretad dvayorapi;

Bhede’pi na fale bhedo na nyūnā’dhikatā’pi cha. 507

Na tatra svechchhayā kinchid vihāranartanādikam;

Nopakaraṇarūpatvam naiva cha ramaṇādikam. 508

Avasthāniyamo nāsti samayasyā’pi naiva cha;

Kriyāyā niyamo nāsti deshasya niyamo’pi na. 509

Nimittaniyamo nāsti sansara-dātmanāmiva;

Bhaktasya brahmarūpasya prayatah swasharīratah. 510

Kālakarmādyavashyashcha guruharivasham gatah;

Tābhyāmevohyamānashcha modamāno hi gachchhati. 511

Gatirhi trividhā proktā hyuttamā madhyamā’dhamā;

Tatrottamā’rchirādih syād devayāneti kīrtitā. 512

Madhyamā pitṛuyāṇah syād dhūmamārgeti kīrtitā;

Saiyamanā’dhamā proktā shrutau smṛutau muhurmuhuh. 513

Bhaktānām brahmarūpāṇām Akṣhara-Puruṣhottamau;

Dehapātottaram syātām pramukhāvātivāhikau. 514

Archirmārga-sthalokeṣhu sthitvā svechchhānusāratah;

Nayato’kṣharalokam tam Akṣhara-Puruṣhottamau. 515

tattallokādhipatye cha niyuktā ye cha lokinah;

Te’pyātivāhikā bhūtvā tatpūjā’rchādi kurvate. 516

Swargo’sti narakam chā’pi vidhi-niṣhedha-shabdatah;

Karma-falopabhogāya nirmitam paramātmanā. 517

Parātmopāsanam mokṣhe muktasya vartate sadā;

Mokṣhe sādhana-mātram na mokṣharūpamupāsanam. 518

Putrā’bhikānkṣhiṇām putre dhanā’bhilāṣhiṇām dhane;

Tanmayatātma-līnatvam yathodriktā’nurāgatah. 519

Yathā’ste’darshanam vyomni nāsho nā’rkasya vidyate;

Tathā’stagamanoktīnām tātparyam-avadhāryate. 520

Aishvaryam sarvamuktānām sarvagnatvādi-lakṣhaṇam;

Paraprasādato labhyam jagadvyāpāra-varjitam. 521

Brahmaṇā bhogamātreṇa muktau sāmyam prakīrtitam;

Brahmā’kṣharam parā’’nandam bhunkte muktastatheti tat. 522

Punarāvartanam naiva labdhamukteh kadāchana;

Brahmarūpasya bhaktasya parānande nimajjanam. 523

Siddhānta-sangraheṇaivam kārikā rachitā imāh;

Abhyāse manane pāṭhe vāde mahopakārikāh. 524