Īshvaradhārā

Mangalam

Īshvar īshvarāṇām yah sarvā’vatārakāraṇam;

Tamaham Sahajānandam Swāminārāyaṇam bhaje. 404

Bhajante vibhavā vyūhā dāsadāsā’nudāsatām;

Yatpurastamaham vande paramam-akṣharam gurum. 405

Īshvara-lakṣhaṇam

Aishvaryādīshvarah prokto jīvād bhinnah swarūpatah;

Jnyānam jnyātā cha nityashcha māyābaddho’styanāditah. 406

Atyantam-asamartho’pi brahmaṇah parabrahmaṇah;

Jīvāch-chhreṣhṭhatayokto’yamanādyaishvaryahetutah. 407

Swakarma-fala-bhoktā’yam jnyeyo’chchhedyādi-lakṣhaṇah;

Mokṣhā’rho’nekasankhyākashchetano’ṇuhu sharīrabhāk. 408

Dehā’vasthāh

Virāḍath cha sūtrātmā tṛutīyo’vyākṛutastathā;

Īshvarasya trayo dehāh Sahajānanda-bodhitāh. 409

Utpattishcha sthitishchaiva pralayashcheti yat trayam;

Tadavasthāstu vijnyeyā yayā baddho’nutiṣhṭhati. 410

Anvayo vyatirekashcha jīvavadasya kīrtitah;

Anvitatvam tanorbandhāt tadbhedād vyatirekitā. 411

Īshvarā’ntargatāh

Pradhāna-puruṣhā naika eka-brahmāṇḍa-shāsakāh;

Tatpratyekā’’dhipatye cha hyeko vairāja īshvarah. 412

Pradhāna-puruṣhā’’nantyam vairājā’’nantya-bodhakam;

Atashchatur-mukhādīnām ānantyam sambhavād bhaved. 413

Brahmāṇḍā naika-koṭyah syustatraikasmin niyojyate;

Pradhāna-puruṣhā’’khyo’yam īshvarah paramātmanā. 414

Pradhāna-puruṣhetyākhyā pradhānasya prasangatah;

Sa cha saguṇa-brahmeti sangnayā vyapadishyate. 415

Pradhāna-puruṣhotpanne sarjane jāyate virāṭ;

Pradhāna-puruṣhādasya chetanam bhidyate sadā. 416

Vairāja-nābhijo brahmā viṣhṇur-hṛudayajah punah;

Lalāṭajo maheshashcha vairājasya sutāstrayah. 417

Prati-brahmāṇḍametāh syustisra īshvara-devatāh;

Brahmāṇḍānām-anantatvāch - chaturmukhādyanantatā. 418

Vyūhāstathendra-chandrādyā ye syurindriya-devatāh;

Īshvarā’ntargatā jnyeyā muktyarhāshchetanā ime. 419

Sthūlasūkṣhmasharīrā’’ptisteṣhām parechchhayā bhavet;

Mokṣhopāye hi sāralyam bhūyād brahma-prasangatah. 420

Avatāra-siddhāntah

Avatārāh prajāyante tattatkāryanimittakāh;

Jīveshvarā’’tmasu kvāpi harer-anupraveshanāt. 421

Brahma dhārayate sākṣhāt sarvatra sarvadā harim;

Ato nā’nupravesho’tra brahmaṇi hyupayujyate. 422

Anupraveshanenaiva vibhūtīnāam vibhūtitā;

Ato vibhūtito bhinnam brahmotkṛuṣhṭam bhavet sadā. 423

Muktebhyo’pi vibhūtīnām jyāyastvam naiva yujyate;

Brahmarūpā yato muktāh sarvā’vatārisevakāh. 424