कीर्तन मुक्तावली
वदनतर्जित रम्य हिमांशुके (श्रीवृषनन्दनाष्टकम्)
2-19002: अचिंत्यानंद ब्रह्मचारी
वदनतर्जित - रम्य - हिमांशुके
कमलकोमल - पत्रविलोचने ।
मदनमोहन - सुन्दर - विग्रहे
भवहरेऽस्तु मनो वृषनन्दने ॥१॥
मुनिसमाज - सदासन - संस्थिते
पुरटनूपुर - रम्यपदाम्बुजे ।
उदरनाभि - वलित्रय - राजिते
भवहरेऽस्तु मनो वृषनन्दने ॥२॥
कुसुममाल - विशालभुजान्तरे
मधुरहासविलास-मुखाम्बुजे ।
रुचिर - केसरचन्दन - चर्चिते
भवहरेऽस्तु मनो वृषनन्दने ॥३॥
जघन - कांचन - भासुरमेखले
ललितमौक्तिकहार - मनोहरे ।
कुटिल - मंजुलनील - शिरोरुहे
भवहरेऽस्तु मनो वृषनन्दने ॥४॥
विशदचन्द्र - करप्रभ - शेखरे
प्रणतपापविनाश - दिवाकरे ।
धृतवलक्ष - विशाल - घनाम्बरे
भवहरेऽस्तु मनो वृषनन्दने ॥५॥
क्षपितभक्त - मनोभव - वेदने
कनकभूषण - हारि - करद्वये ।
अरुणराग - शिरःपट - शोभिते
भवहरेऽस्तु मनो वृषनन्दने ॥६॥
तिलकलक्षण - राजित - गंडके
श्रुतिसितेतर - बिन्दु - मनोहरे ।
श्रवणकुंडल - शालि - कपोलके
भवहरेऽस्तु मनो वृषनन्दने ॥७॥
मधुरवाक्य - सुधारस - पोषके
निजजनोदित - योगरहस्यके ।
वदति संसदि कृष्ण - निरूपणं
भवहरेऽस्तु मनो वृषनन्दने ॥८॥
Vadana tarjita ramya himānshuke (Shrī Vṛuṣhanandanāṣhṭakam)
2-19002: Achintyanand Brahmachari
Vadana-tarjit - ramya - himānshuke
Kamala-komal - patra-vilochane |
Madana-mohan - sundar - vigrahe
Bhavahare’stu mano Vṛuṣhanandane ||1||
munisamāj - sadāsan - sansthite
puraṭanūpur - ramyapadāmbuje |
udaranābhi - valitraya - rājite
Bhavahare’stu mano Vṛuṣhanandane ||2||
Kusumamāl - vishāla-bhujāntare
Madhura-hāsavilāsa-mukhāmbuje |
Ruchir - kesara-chandan - charchite
Bhavahare’stu mano Vṛuṣhanandane ||3||
Jaghan - kānchan - bhāsuramekhale
Lalita-mauktikahār - manohare |
Kuṭil - manjulanīl - shiroruhe
Bhavahare’stu mano Vṛuṣhanandane ||4||
Vishada-chandra - karaprabh - shekhare
Praṇata-pāpavināsh - divākare |
Dhṛutavalakṣha - vishāl - ghanāmbare
Bhavahare’stu mano Vṛuṣhanandane ||5||
Kṣhapita-bhakta - manobhav - vedane
Kanaka-bhūṣhaṇ - hāri - karadvaye |
Aruṇarāg - shirahpaṭ - shobhite
Bhavahare’stu mano Vṛuṣhanandane ||6||
Tilaka-lakṣhaṇ - rājit - ganḍake
Shrutisitetar - bindu - manohare |
Shravaṇa-kunḍal - shāli - kapolake
Bhavahare’stu mano Vṛuṣhanandane ||7||
Madhuravākya - sudhāras - poṣhake
Nijajanodit - yoga-rahasyake |
Vadati sansadi Kṛuṣhṇa - nirūpaṇan
Bhavahare’stu mano Vṛuṣhanandane ||8||
