કીર્તન મુક્તાવલી
પરમાદ્ભુત દિવ્યવપૂ રુચિરં (રુચિર સ્તોત્રમ્)
પરમાદ્ભુત-દિવ્યવપૂ રુચિરં
રુચિરેંઘ્રિતલેંગુલયો રુચિરાઃ ।
નખમંડલ-મિન્દુનિભં રુચિરં
રુચિરાધિપતે રખિલં રુચિરમ્ ॥૧॥
પ્રપદે રુચિરે પ્રસૃતે રુચિરે
મૃદુ જાનુયુગં રુચિરં રુચિરમ્ ।
કરિહસ્ત - નિભોરુયુગં રુચિરં
રુચિરાધિપતે રખિલં રુચિરમ્ ॥૨॥
કટિપુષ્ટ - નિતમ્બયુગં રુચિરં
નતનાભિકજં જઠરં રુચિરમ્ ।
મૃદુલૌ સ્તનનીલમણી રુચિરૌ
રુચિરાધિપતે રખિલં રુચિરમ્ ॥૩॥
હૃદયં રુચિરં પૃથુતુંગમુરઃ-
સ્થલમંસયુગં રુચિરં રુચિરૌ ।
કરભૌ કરકંજતલે રુચિરે
રુચિરાધિપતે રખિલં રુચિરમ્ ॥૪॥
ભુજદંડ - યુગં રુચિરં ચિબુકં
વિધુમોદકરં વદનં રુચિરમ્ ।
રસના રુચિરા દશના રુચિરા
રુચિરાધિપતે રખિલં રુચિરમ્ ॥૫॥
જલજોપમ - કંઠશિરો રુચિરં
તિલપુષ્પ-નિભા સુનસા રુચિરા ।
અધરૌ રુચિરાવલિકં રુચિરં
રુચિરાધિપતે રખિલં રુચિરમ્ ॥૬॥
અરુણે ચપલે નયને રુચિરે
સ્મરચાપનિભે મુનિ-શાન્તિકરે ।
ભ્રુકુટી રુચિરે શ્રવણૌ રુચિરૌ
રુચિરાધિપતે રખિલં રુચિરમ્ ॥૭॥
હરિચન્દન - ચર્ચિત - મંગમલં
તિલકં રુચિરં કુસુમાભરણમ્ ।
બહુશસ્તિલકા રુચિરાશ્ચિકુરા
રુચિરાધિપતે રખિલં રુચિરમ્ ॥૮॥
સિતસૂક્ષ્મ-ઘનં વસનં રુચિરં
મુનિરંજનકં વચનં રુચિરમ્ ।
અવલોકન - માભરણં રુચિરં
રુચિરાધિપતે રખિલં રુચિરમ્ ॥૯॥
સ્નપનં રુચિરં તરણં રુચિરં
ભરણં રુચિરં શરણં રુચિરમ્ ।
રમણં રુચિરં શ્રવણં રુચિરં
રુચિરાધિપતે રખિલં રુચિરમ્ ॥૧૦॥
કથનં રુચિરં સ્મરણં રુચિરં
મનનં રુચિરં સ્તવનં રુચિરમ્ ।
વિનયો રુચિરો ઘટનં રુચિરં
રુચિરાધિપતે રખિલં રુચિરમ્ ॥૧૧॥
અશનં રુચિરં મુખવાસ ઇહા-
ચમનં રુચિરં નમનં રુચિરમ્ ।
જલપાનમહો રુચિરં શયનં
રુચિરાધિપતે રખિલં રુચિરમ્ ॥૧૨॥
ગમનં રુચિરં દમનં રુચિરં
શમનં રુચિરં જપનં રુચિરમ્ ।
તપનં રુચિરં યજનં રુચિરં
રુચિરાધિપતે રખિલં રુચિરમ્ ॥૧૩॥
હવનં રુચિરં યમનં રુચિરં
ભજનં રુચિરં ત્યજનં રુચિરમ્ ।
ભવનં રુચિરં સદનં રુચિરં
રુચિરાધિપતે રખિલં રુચિરમ્ ॥૧૪॥
જનની રુચિરા જનકો રુચિરઃ
સ્વજના રુચિરા મુનયો રુચિરાઃ ।
બટવો રુચિરાઃ પદગા રુચિરા
રુચિરાધિપતે રખિલં રુચિરમ્ ॥૧૫॥
અવનં રુચિરં રુચિરં રચનં
હરણં રુચિરં રુચિરં કરણમ્ ।
પઠનં રુચિરં રુચિરં રટનં
રુચિરાધિપતે રખિલં રુચિરમ્ ॥૧૬॥
વયુનં રુચિરં દૃઢભક્તિવિરા-
ગસદાચરણં રુચિરં રુચિરાઃ ।
પરિષન્ નિજભક્તજના રુચિરા
રુચિરાધિપતે રખિલં રુચિરમ્ ॥૧૭॥
હરિકૃષ્ણ મુદાર - મનન્તમજં
પ્રણતાર્તિહરં જલદાભતનુમ્ ।
કરુણાર્દ્રદૃશં વૃષભક્તિસુતં
નમનં વિદધે સુચિરં રુચિરમ્ ॥૧૮॥
ઇદમર્થભૃતં મુનિ - નિત્યકૃતં
રુચિરં સ્તવનં જનતા-પવનમ્ ।
શ્રુતમાત્ર - મનોમલ - નાશકરં
જન - તાપહરં ભવતીષ્ટકરમ્ ॥૧૯॥
Paramādbhut divyavapū ruchiram (Ruchir Stotram)
Paramādbhut-divyavapū ruchiram
Ruchirenghrit-lengulayo ruchirāhā |
Nakhamanḍal-mindunibham ruchiram
Ruchirādhipate rakhilam ruchiram ||1||
Prapade ruchire prasṛute ruchire
Mṛudu jānuyugam ruchiram ruchiram |
Karihasta - nibhoruyugam ruchiram
Ruchirādhipate rakhilam ruchiram ||2||
Kaṭipuṣhṭa - nitambayugam ruchiram
Natanābhikajam jaṭharam ruchiram |
Mṛudulau stananīlamaṇī ruchirau
Ruchirādhipate rakhilam ruchiram ||3||
Hṛudayam ruchiram pṛuthutungamurah-
Sthalamansayugam ruchiram ruchirau |
Karabhau karakanjatale ruchire
Ruchirādhipate rakhilam ruchiram ||4||
Bhuj-danḍa - yugam ruchiram chibukam
Vidhumodakaram vadanam ruchiram |
Rasanā ruchirā dashanā ruchirā
Ruchirādhipate rakhilam ruchiram ||5||
Jalajopam - kanṭhashiro ruchiram
Tilapuṣhpa-nibhā sunasā ruchirā |
Adharau ruchirāvalikam ruchiram
Ruchirādhipate rakhilam ruchiram ||6||
Aruṇe chapale nayane ruchire
Smarachāpanibhe muni-shāntikare |
Bhrukuṭī ruchire shravaṇau ruchirau
Ruchirādhipate rakhilam ruchiram ||7||
Harichandan - charchit - mangamalam
Tilakam ruchiram kusumābharaṇam |
Bahushastilakā ruchirāshchikurā
Ruchirādhipate rakhilam ruchiram ||8||
Sitasūkṣhma-ghanam vasanam ruchiram
Muniranjanakam vachanam ruchiram |
Avalokan - mābharaṇam ruchiram
Ruchirādhipate rakhilam ruchiram ||9||
Snapanam ruchiram taraṇam ruchiram
Bharaṇam ruchiram sharaṇam ruchiram |
Ramaṇam ruchiram shravaṇam ruchiram
Ruchirādhipate rakhilam ruchiram ||10||
Kathanam ruchiram smaraṇam ruchiram
Mananam ruchiram stavanam ruchiram |
Vinayo ruchiro ghaṭanam ruchiram
Ruchirādhipate rakhilam ruchiram ||11||
Ashanam ruchiram mukhavās ihā-
Chamanam ruchiram namanam ruchiram |
Jal-pānamaho ruchiram shayanam
Ruchirādhipate rakhilam ruchiram ||12||
Gamanam ruchiram damanam ruchiram
Shamanam ruchiram japanam ruchiram |
Tapanam ruchiram yajanam ruchiram
Ruchirādhipate rakhilam ruchiram ||13||
Havanam ruchiram yamanam ruchiram
Bhajanam ruchiram tyajanam ruchiram |
Bhavanam ruchiram sadanam ruchiram
Ruchirādhipate rakhilam ruchiram ||14||
Jananī ruchirā janako ruchirah
Swajanā ruchirā munayo ruchirāhā |
Baṭavo ruchirāhā padagā ruchirā
Ruchirādhipate rakhilam ruchiram ||15||
Avanam ruchiram ruchiram rachanam
Haraṇam ruchiram ruchiram karaṇam |
Paṭhanam ruchiram ruchiram raṭanam
Ruchirādhipate rakhilam ruchiram ||16||
Vayunam ruchiram draḍhabhaktivirā-
Gasadācharaṇam ruchiram ruchirāhā |
Pariṣham nij-bhaktajanā ruchirā
Ruchirādhipate rakhilam ruchiram ||17||
Harikṛuṣhṇa mudār - manantamajam
Praṇatārtiharam jaladābhatanum |
Karuṇārdradrasham vṛuṣhabhaktisutam
Namanam vidadhe suchiram ruchiram ||18||
Idamarthabhṛutam muni - nityakṛutam
Ruchiram stavanam janatā-pavanam |
Shrutamātra - manomal - nāshakaram
Jan - tāpaharam bhavatīṣhṭakaram ||19||
