કીર્તન મુક્તાવલી
હે કરુણાના કરનારા તારી કરુણાનો કોઈ પાર નથી
હે કરુણાના કરનારા, તારી કરુણાનો કોઈ પાર નથી,
હે સંકટના હરનારા, તારી કરુણાનો કોઈ પાર નથી... ꠶ટેક
મારાં પાપ ભર્યાં છે એવાં, તારી ભૂલ્યો કરવી સેવા,
મારી ભૂલોના ભૂલનારા... તારી꠶ ૧
હે પરમ કૃપાળુ વા’લા, મેં પીધા વિષના પ્યાલા,
મારા જીવન-રક્ષરણહારા... તારી꠶ ૨
હું અંતરમાં થઈ રાજી, ખેલ્યો છું અવળી બાજી,
અવળી સવળી કરનારા... તારી꠶ ૩
ભલે છોરું કછોરું થાયે, તોયે તું માવતર કહેવાયે,
મીઠી છાયાના દેનારા... તારી꠶ ૪
મને જડતો નથી કિનારો, મારો ક્યાંથી આવે આરો,
મારા સાચા ખેવનહારા... તારી꠶ ૫
મારું જીવન છે ઉદાસી, તારે ચરણે લે અવિનાશી,
સ્વામીના† દિલ રમનારા... તારી꠶ ૬
†અક્ષરના
He karuṇānā karnārā tārī karuṇāno koī pār nathī
He karuṇānā karnārā, tārī karuṇāno koī pār nathī
He sankaṭnā harnārā, tārī karuṇāno koī pār nathī...
Mārā pāp bharyā chhe evā, tārī bhulyo karvī sevā,
Mārī bhulonā bhulnārā... tārī 1
He param krupāḷu vā’lā, me pīdhā vishnā pyālā,
Mārā jīvan-rakshaṇhārā... tārī 2
Hu antarmā thaī rājī, khelyo chhu avḷī bājī,
Avḷī savḷī karnārā... tārī 3
Bhale chhorū kachhorū thāye, toye tu māvtar kahevāye,
Mīthī chhāyānā denārā... tārī 4
Mane jaḍto nathī kināro, māro kyāthī āve āro,
Mārā sāchā khevanhārā... tārī 5
Māru jīvan chhe udāsī, tāre charaṇe le Avināshī,
Swāmīnā dil ramnārā... tārī 6