કીર્તન મુક્તાવલી
2-1256: પ્રણમું પ્રમુખસ્વામી પ્યારા
પ્રણમું પ્રમુખસ્વામી પ્યારા
સાધુ ભક્તિપ્રિયદાસ
પ્રણમું પ્રમુખસ્વામી પ્યારા,
પ્રણમું પ્રાણજીવન ગુરુજી... પ્રણમું. ટેક
મુખડું તમારું સુખડું દેતું, દેતું દર્શનદાનજી,
દર્શન કરતાં ઠરિયાં મારા, નેણ તણાં એ દ્વારા... પ્રણમું. ૧
હસ્ત તમારા નિર્ભય કરતા, કરતા શાંતિ પ્રદાનજી,
શાંતિ થાતાં સુખ જ ઊપજે, ઊઘડે જ્ઞાનભંડાર... પ્રણમું. ૨
આપ નયનની દૃષ્ટિ ઝીલતાં, પરિવર્તન છે જીવનું,
પરિવર્તિત થઈ સુખડાં માણે, પામે અક્ષરધામ... પ્રણમું. ૩
ચરણ તમારાં તીરથ કરતાં, કરતાં જીવ પવિત્રજી,
પવિત્ર થઈને શ્રીહરિ કેરી, ‘ભક્તિ’એ ચિત્ત ભરાય. પ્રણમું. ૪