કીર્તન મુક્તાવલી
2-1271: શ્રીજી મહારાજે કહ્યા એવા પ્રમુખ સ્વામી
શ્રીજી મહારાજે કહ્યા એવા પ્રમુખ સ્વામી
સાઘુ નિર્દોષમુનિદાસ
શ્રીજી મહારાજે કહ્યા, એવા પ્રમુખ સ્વામી મળ્યા;
જેમાં હરિ અખંડ રહ્યા, એવા પ્રમુખ સ્વામી મળ્યા... ꠶ટેક
માન અપમાન જેને સમાન,
મન કર્મ વચને દૃઢ વર્તમાન;
સદ્ગુણ સાગર કહ્યા... શ્રીજી મહારાજે ꠶૧
હરિ ભક્તિમાં રહે આસક્ત,
સંસારથી સદા વિરક્ત;
ઉત્તમ ભક્ત કહ્યા... શ્રીજી મહારાજે ꠶૨
સર્વ જગતના સદા આધાર,
અનંત જીવોનો કરે ઉદ્ધાર;
કલ્યાણ કરનાર કહ્યા... શ્રીજી મહારાજે ꠶૩
એવા સત્પુરુષ ગુરુ મળ્યા,
સકલ પુરણકામ થયા;
નારાયણસ્વરૂપ કહ્યા... શ્રીજી મહારાજે ꠶૪