કીર્તન મુક્તાવલી
વળી સહુ સાંભળો રે મારી વાર્તા પરમ અનૂપ
૧-૨૭૩: સદ્ગુરુ પ્રેમાનંદ સ્વામી
Category: મૂર્તિનાં પદો
પદ - ૪
વળી સહુ સાંભળો રે, મારી વાર્તા પરમ અનૂપ;
પરમ સિદ્ધાંત છે રે, સહુને હિતકારી સુખરૂપ... ૧
સહુ હરિભક્તને રે, જાવું હોયે મારે ધામ;
તો મને સેવજો રે, તમે શુદ્ધ ભાવે થઈ નિષ્કામ... ૨
સહુ હરિભક્તને રે, રહેવું હોયે મારે પાસ;
તો તમે મેલજો રે, મિથ્યા પંચવિષયની આશ... ૩
મુજ વિના જાણજો રે, બીજા માયિક સહુ આકાર;
પ્રીતિ તોડજો રે, જૂઠાં જાણી કુટુંબ પરિવાર... ૪
સહુ તમે પાળજો રે, સર્વે દૃઢ કરી મારાં નેમ;
તમ પર રીઝશે રે, ધર્મને ભક્તિ કરશે ક્ષેમ... ૫
સંત હરિભક્તને રે, દીધો શિક્ષાનો ઉપદેશ;
લટકાં હાથનાં રે, કરતાં શોભે નટવર વેશ... ૬
નિજ જન ઊપરે રે, અમૃત વરસ્યા આનંદકંદ;
જેમ સહુ ઔષધિ રે, પ્રીતે પોષે પૂરણ ચંદ... ૭
શોભે સંતમાં રે, જેમ કાંઈ ઉડુગણમાં ઉડુરાજ;
ઈશ્વર ઉદે થયા રે, કળિમાં કરવા જનનાં કાજ... ૮
એ પદ શીખશે રે, ગાશે સાંભળશે કરી પ્યાર;
પ્રેમાનંદનો રે, સ્વામી લેશે તેની સાર... ૯
Vaḷī sahu sāmbhaḷo re mārī vārtā param anūp
1-273: Sadguru Premanand Swami
Category: Murtina Pad
Pad - 4
Vaḷī sahu sāmbhaḷo re, mārī vārtā param anūp;
Param siddhānt chhe re, sahune hitkārī sukhrūp..1
Sahu haribhaktane re, jāvu hoye māre Dhām;
To Mane sevjo re, tame shuddh bhāve thaī nishkām..2
Sahu haribhaktane re, rahevu hoye Māre pās;
To tame meljo re, mithyā panchvishaynī āsh..3
Muj viṇā jāṇjo re, bijā māyik sahu ākār;
Prīti toḍjo re, jūṭhā jāṇī kuṭumb parivār..4
Sahu tame pāḷjo re, sarve dradh karī mārā nem;
Tam par rījhshe re, Dharma ne Bhakti karshe kshem..5
Sant haribhaktane re, dīdho shikshāno updesh;
Laṭkā hāthnā re, kartā shobhe Naṭvar vesh..6
Nij jan upare re, amrut varsyā ānandkand;
Jem sahu aushadhi re, prīte poshe pūraṇ chand..7
Shobhe santmā re, jem kāī uḍugaṇmā uḍurāj;
Īshwar ude thayā re, kaḷimā karvā jannā kāj..8
Ā pad shīkhshe re, gāshe sāmbhaḷshe karī pyār;
Premānandnā re, Swāmī leshe tenī sār..9
