કીર્તન મુક્તાવલી
વૈષ્ણવજન તો તેને કહીએ જે પીડ પરાઈ જાણે રે
૧-૭૪૧: નરસિંહ મહેતા
Category: સંત મહિમાનાં પદો
વૈષ્ણવજન તો તેને કહીએ જે પીડ પરાઈ જાણે રે;
પરદુઃખે ઉપકાર કરે તોયે, મન અભિમાન ન આણે રે... વૈષ્ણવ꠶ ટેક
સકળ લોકમાં સહુને વંદે, નિંદા ન કરે કેની રે;
વાચ-કાછ-મન નિશ્ચલ રાખે, ધન ધન જનની તેની રે... વૈષ્ણવ꠶ ૧
સમદૃષ્ટિ ને તૃષ્ણા ત્યાગી, પરસ્ત્રી જેન માત રે;
જીહ્વા થકી અસત્ય ન બોલે, પરધન નવ ઝાલે હાથ રે... વૈષ્ણવ꠶ ૨
મોહમાયા વ્યાપે નહિ જેને, દૃઢ વૈરાગ્ય જેના મનમાં રે;
રામ નામશું તાળી લાગી, સકળ તીરથ તેના તનમાં રે... વૈષ્ણવ꠶ ૩
વણલોભી ને કપટ રહિત છે, કામ ક્રોધ નિવાર્યા રે;
ભણે નરસૈયો તેનું દર્શન કરતાં, કુળ એકોતેર તાર્યાં રે... વૈષ્ણવ꠶ ૪
Vaishṇav jan to tene kahīe je pīḍ parāī jāṇe re
1-741: Narsinha Mehta
Category: Sant Mahima Pad
Vaishṇav jan to tene kahīe,
je pīḍ parāī jāṇe re;
Pardukhe upkār kare toye,
man abhimān na āṇe re...
Sakaḷ lokmā sahune vande,
ninda na kare kenī re;
Vāch-kāchh-man nischal rākhe,
dhan dhan jannī tenī re... vaishṇav 1
Samdrashṭi na trushṇa tyāgī,
parstrī jene māt re;
Jihvā thakī asatya na bole,
pardhan nav jhāle hāth re... vaishṇav 2
Mohamāyā vyāpe nahi jene,
dradh vairāgya jenā manmā re;
Rām nāmshu tāḷī lāgī,
sakaḷ tīrath tenā tanmā re... vaishṇav 3
Vanlobhī ne kapaṭ rahīt chhe.
kām krodh nivāryā re;
Bhaṇe Narsaiyo tenu darshan kartā,
kuḷ ekoter tāryā re... vaishṇav 4
