કીર્તન મુક્તાવલી
શોભાસાગર શ્યામ તમારી મૂરતિ પ્યારી રે
૧-૧૦૪: સદ્ગુરુ પ્રેમાનંદ સ્વામી
Category: પ્રભાતિયાં
પદ - ૧
શોભાસાગર શ્યામ તમારી મૂરતિ પ્યારી રે;
મૂરતિ પ્યારી રે નાખું મારા પ્રાણ વારી રે...꠶ટેક
સુંદરતા જોઈ મુખની શશી સૂર લજાઈ રે;
મુખ દેખાડી નવ શક્યા વસ્યા ગગન જાઈ રે... શોભા꠶ ૧
માન હર્યું મણિધરનું શિખા કેશ કાળે રે;
અવનિ ઉપર રહી ન શક્યા ગયા પાતાળે રે... શોભા꠶ ૨
ચંચળ લોચન જોઈને લજ્જા પામ્યાં તીન રે;
ખંજન કુરંગ વન વસ્યાં જળે બૂડ્યાં મીન રે... શોભા꠶ ૩
ચાલ ચતુરાઈ જોઈને ગજ કરે ધિક્કાર રે;
પ્રેમાનંદ કહે શિર નાખે ધૂળ વારમવાર રે... શોભા꠶ ૪
Shobhāsāgar Shyām tamārī mūrti pyārī re
1-104: Sadguru Premanand Swami
Category: Prabhatiya
Pad - 1
Shobhāsāgar Shyām tamārī mūrti pyārī re;
Mūrti pyārī re nākhu mārā prāṇ vārī re...
Sundartā joī mukhnī shashī sur lajāī re;
Mukh dekhādi nav shakyā vasyā gagan jāī re... shobhā 1
Mān haryu maṇidharnu shikhā kesh kāḷe re;
Avnī upar rahī na shakyā gayā pāṭāḷe re... shobhā 2
Chanchaḷ lochan joīne lajjā pāmyā tīn re;
Khanjan kurang van vasyā jaḷe buḍyā mīn re... shobhā 3
Chāl chaturāī joīne gaj kare dhikkār re;
Premānand kahe shir nākhe dhuḷ vāramvār re... shobhā 4
