કીર્તન મુક્તાવલી
વિષયી જનનાં વાયક રે ભર્યાં ભરપૂર ભૂંડાઈયે
૧-૧૦૪૬: સદ્ગુરુ નિષ્કુળાનંદ સ્વામી
Category: ચોસઠપદી
પદ - ૧૫
વિષયી જનનાં વાયક રે, ભર્યાં ભરપૂર ભૂંડાયે;
હોય સહુને દુઃખદાયક રે, એથી સુખિયાં શું થાયે... ૧
જોને આગ્નીધ્ર દીર્ઘતમા રે, વિષય સારુ વલખ્યા છે;
એનાં વચન શોધી શાસ્ત્રમાં રે, સર્વે લઈને લખ્યાં છે... ૨
વળી વશિષ્ઠ ને દુર્વાસા રે, લોભી ક્રોધી કા’વે છે;
એના અંતરની જે આસા રે, સર્વે શાસ્ત્ર જણાવે છે... ૩
માટે જે જનમાં ગુણ જેવો રે, એવો આપે સેવકને;
કહે નિષ્કુળાનંદ ન સેવો રે, જાણી એવા વિવેકને... ૪
Vishayī jannā vāyak re bharyā bharpūr bhunḍāīye
1-1046: Sadguru Nishkulanand Swami
Category: Chosath Padi
Pad 15
Vishayī jannā vāyak re, bharyā bharpūr bhunḍāye;
Hoye sahune dukhdāyak re, ethī sukhiyā shu thāye... 1
Jone Āgnīdhra Dīrghatamā re, vishay sāru valakhyā chhe;
Enā vachan shodhī shāstramā re, sarve laīne lakhyā chhe... 2
Vaḷī Vashishṭh ne Dūrvāsā re, lobhī krodhī kahāve chhe;
Enā antarnī je āsā re, sarve shāstra jaṇāve chhe... 3
Maṭe je janmā guṇ jevo re, evo āpe sevakne;
Kahe Nishkuḷānand na sevo re, jāṇī evo vivekne... 4
