કીર્તન મુક્તાવલી
જરૂર જાવું છે જાણજો રે પ્રભુજીની પાસ
૧-૧૦૫૧: સદ્ગુરુ નિષ્કુળાનંદ સ્વામી
Category: ચોસઠપદી
પદ - ૨૦
જરૂર જાવું છે જાણજો રે, પ્રભુજીની પાસ;
એવી દેશીયે મ આણજો રે, વણ કર્યે તપાસ... ૧
જાણો જગ મોટાઈ જૂઠ છે રે, તેની તજો તાણ;
એને ઇચ્છે તે હૈયાફૂટ છે રે, ન ઇચ્છે સુજાણ... ૨
મેલો લાભ આ લોક સુખનો રે, પ્રીત કરો પરલોક;
એ તો મતો છે મૂરખનો રે, ખોટો હરખ શોક... ૩
રૂડા સંતની રીતડી રે, જાણો જુદી જન;
જેને પ્રભુ સાથે પ્રીતડી રે, તે વિચારો મન... ૪
માથે કલંક ને મરશું રે, એ તો છે અકાજ;
તે તો નિષ્કુળાનંદ નરસું રે, જોઈ રીઝે નહિ રાજ... ૫
Jarūr jāvu chhe jāṇjo re Prabhujīnī pās
1-1051: Sadguru Nishkulanand Swami
Category: Chosath Padi
Pad 20
Jarūr jāvu chhe jāṇjo re, Prabhujīnī pās;
Evī deshīye ma āṇjo re, vaṇ karye tapās... 1
Jāṇo jag moṭāī jūṭh chhe re, tenī tajo tāṇ;
Ene īchchhe te haiyāfūṭ chhe re, na īchchhe sujāṇ... 2
Melo lābh ā lok sukhno re, prīt karo parlok;
E to mato chhe mūrakhno re, khoṭo harakh shok... 3
Rūḍā santnī rītḍī re, jāṇo judī jan;
Jene Prabhu sāth prītdī re, te vichāro man... 4
Mathe kalank ne marshu re, eto chhe akāj;
Te to Nishkuḷānand narsu re, joī rījhe nahi rāj... 5
