કીર્તન મુક્તાવલી
મોટા થાવાનું મનમાં રે દલમાં ઘણો ડોડ
૧-૧૦૫૩: સદ્ગુરુ નિષ્કુળાનંદ સ્વામી
Category: ચોસઠપદી
પદ - ૨૨
મોટા થાવાનું મનમાં રે, દલમાં ઘણો ડોડ
તેવા ગુણ નથી તનમાં રે, કાં કરે તું કોડ... ૧
તું તપાસી જોને તુજને રે, ઊતરી અંતરમાંય
પછી ઇચ્છજે થાવા પૂજ્યને રે, તેનું નથી કાંય... ૨
કામ ક્રોધ વળી લોભ છે રે, લિયે છે તારી લાજ;
તેણે કરી અંતરે ક્ષોભ છે રે, જો વિચારી આજ... ૩
ભૂંડા ઘાટ ઊઠે છે ભીંતરે રે, જે ન કહેવાય બા’ર;
એહ વાતનો તારે અંતરે રે, નથી નર વિચાર... ૪
નથી ખોળતો ખોટ્ય માંયની રે, દે છે બીજાને દોષ;
કહે નિષ્કુળાનંદ ન્યાયની રે, અમથો શો અપસોષ... ૫
Moṭā thāvānu manmā re dalmā ghaṇo ḍoḍ
1-1053: Sadguru Nishkulanand Swami
Category: Chosath Padi
Pad 22
Moṭā thāvānu manmā re, dalmā ghaṇo ḍoḍ;
Tevā guṇ nathī tanmā re, kā kare tu koḍ... 1
Tu tapāsī jone tujne re, ūtarī antarmāy;
Pachhī īchchheje thāvā pūjyane re, tenu nathī kāy... 2
Kām krodh vaḷī lobh chhe re, liye chhe tārī lāj;
Tene karī antare kshobh chhe re, jo vichārī āj... 3
Bhunḍā ghāṭ ūṭhe chhe bhītare re, je na kahevāy bā’r;
Eh vātno tāre antare re, nathī nar vichār... 4
Nathī khoḷto khoṭya māynīre, de chhe bījāne dosh;
Kahe Nishkuḷānand nyāy nīre, amtho sho apsosh... 5
