કીર્તન મુક્તાવલી
સાચા સંતને ઉપમા શી આપીએ રે
૨-૧૦૫૫: સદ્ગુરુ નિષ્કુળાનંદ સ્વામી
Category: સંત મહિમાનાં પદો
પદ - ૩
સાચા સંતને ઉપમા શી આપીએ રે,
ત્રણ ભુવનમાં નથી તેને તુલ્ય રે,
અનુપ એવા સંત છે રે,
કામધેનું કલ્પવૃક્ષ કેમ કહું રે?
જેથી ભાંગે નહીં ભ્રાંતિને ભૂલ્ય રે... અનુપ ૧
અર્ક ઇન્દુ ને અમૃતની ઉપમા રે,
સિંધુ સમાન તે સંત ન કહેવાય રે,
એથી અલ્પ પ્રાપ્તિને નિશ્ચે પામીયે રે,
વળી જોતાં જોતાં જૂઠી થઈ જાય રે... અનુપ ૨
ચિંતામણિ કે પારસમણિ પામતાં રે,
સર્વે સિદ્ધિ એની આગે દીસે ન્યૂન રે,
જપ તપ તીરથ યોગ યજ્ઞનું રે,
જેની જોડે નવ જૂતે કોઈ પુણ્ય રે... અનુપ ૩
ચૌદલોક માંહી ચિત્તે જોયું ચિંતવી રે,
સર્વે સંપતિનું શોધી જોયું સુખ રે,
કોઈ પુણ્યે પામીને પાછા પડીયે રે,
અંતે રહે છે જો દુઃખનું દુઃખ રે... અનુપ ૪
કોઈ આપે છે રાજ, સાજ-સંપત્તિ રે,
કોઈ વિદ્યાશય આપે છે વડાઈ રે,
કોઈ આપે છે સુત પશુ જો આપને રે,
કોઈ બળ કળ આપે છે કોઈ રે... અનુપ ૫
એ તો અલ્પ સુખ જો આવે જાય છે રે,
સંત આપે છે અખંડ મહાસુખ રે,
ધન્ય ધન્ય સંતનો મહિમા શું કહું રે,
નથી કહેવાનું નિષ્કુળાનંદ મુખ રે... અનુપ ૬
Sāchā santne upmā shī āpīe re
2-1055: Sadguru Nishkulanand Swami
Category: Sant Mahima Pad
Pad - 3
Sāchā santne upmā shī āpīe re,
Traṇ bhuvanmā nathī tene tulya re,
Anup evā sant chhe re,
Kām-dhenu kalpa-vṛukṣha kem kahu re?
Jethī bhānge nahī bhrāntine bhūlya re... anup 1
Ark Indu ne amṛutnī upmā re,
Sindhu samān te sant na kahevāy re,
Ethī alp prāptine nishche pāmīye re,
Vaḷī jotā jotā jūṭhī thaī jāy re... anup 2
Chintāmaṇi ke pārasmaṇi pāmatā re,
Sarve siddhi enī āge dīse nyūn re,
Jap tap tīrath yog yagnanu re,
Jenī joḍe nav jūte koī puṇya re... anup 3
Chaud-lok māhī chitte joyu chintavī re,
Sarve sampatinu shodhī joyu sukh re,
Koī puṇye pāmīne pāchhā paḍīye re,
Ante rahe chhe jo dukhnu dukh re... anup 4
Koī āpe chhe rāj, sāj-sampatti re,
Koī vidyāshay āpe chhe vaḍāī re,
Koī āpe chhe sut pashu jo āpane re,
Koī baḷ kaḷ āpe chhe koī re... anup 5
E to alp sukh jo āve jāy chhe re,
Sant āpe chhe akhanḍ mahāsukh re,
Dhanya dhanya santno mahimā shu kahu re,
Nathī kahevānu Niṣhkuḷānand mukh re... anup 6
