કીર્તન મુક્તાવલી
એહ વિના મોટાઈ જે અન્ય ખરી તે પણ ખોટી નથી રે
૧-૧૦૭૮: સદ્ગુરુ નિષ્કુળાનંદ સ્વામી
Category: ચોસઠપદી
પદ - ૪૭
એહ વિના મોટાઈ જે અન્ય, ખરી તે પણ ખોટી નથી રે;
તે તો સુણી લિયો સહુજન, તે પણ કહું કથી રે... ૧
જેમ પંખીમાં મોટેરો ઘૂડ, ઝાડમાં તાડ લઈએ રે;
તળાવ જળમાં મોટો ઝૂડ, પશુમાં પાડો કહીએ રે... ૨
સર્પમાં મોટેરો તક્ષક, વીંછીમાં ઠાકરિયો વળી રે;
એ તો મોટપ દુઃખદાયક, સમજો સહુ મળી રે... ૩
એમ જાણ્યા વિના જગમાંય, ઉપાય નથી ઊગર્યાનો રે;
કહે નિષ્કુળાનંદ તે ન્યાય, માનો કે નવ માનો રે... ૪
Eh vinā moṭāī je anya kharī te paṇ khoṭī nathī re
1-1078: Sadguru Nishkulanand Swami
Category: Chosath Padi
Pad 47
Eh vinā moṭāī je anya, kharī te paṇ khoṭī nathī re;
Te to suṇī liyo sahujan, te paṇ kahu kathī re... 1
Jem pankhīmā moṭero ghuḍ, jhāḍmā tāḍ laīe re;
Taḷāv jaḷmā moṭo jhuḍ, pashumā pāḍo kahīe re... 2
Sarpmā moṭero Takshak, vīnchchhīmā ṭhākarīyo vaḷī re;
Eto moṭap dukhdāyak, samjo sahu maḷī re... 3
Em jāṇyā vinā jagmāy, upāy nathī ūgaryāno re;
Kahe Nishkuḷānand te nyāy, mano ke nav mano re... 4
