કીર્તન મુક્તાવલી
જેહ ધામને પામીને પ્રાણી પાછું પડવાનું નથી રે
૧-૧૦૮૬: સદ્ગુરુ નિષ્કુળાનંદ સ્વામી
Category: ચોસઠપદી
પદ - ૫૫
જેહ ધામને પામીને પ્રાણી, પાછું પડવાનું નથી રે;
સર્વોપર્ય છે સુખની ખાણી, કેવું કહીએ તેને કથી રે... ૧
અનંત મુક્ત જ્યાં આનંદે ભરિયા, રહે છે પ્રભુજીની પાસ રે;
સુખ સુખ જ્યાં સુખના દરિયા, તિયાં વસી રહ્યા વાસ રે... ૨
તેજ તેજ જિયાં તેજ અંબાર, તેજોમય તન તેનાં રે;
તેજોમય જ્યાં સર્વે આકાર, શું કહીએ સુખ એનાં રે... ૩
તે તેજ મધ્યે સિંહાસન શોભે, તિયાં બેઠા બહુનામી રે;
નિષ્કુળાનંદ કહે મન લોભે, પૂર્ણ પુરુષોત્તમ પામી રે... ૪
Jeh Dhāmne pāmīne prāṇī pāchhu paḍvānu nathī re
1-1086: Sadguru Nishkulanand Swami
Category: Chosath Padi
Pad 55
Jeh Dhāmne pāmīne prāṇī, pāchhu paḍvānu nathī re;
Sarvoparya chhe sukhnī khāṇī, kevu kahīe tene kathī re. 1
Anant mukta jyā ānande bhariyā, rahe chhe Prabhujīnī pās re;
Sukh sukh jyā sukhnā dariyā, tyā vasī rahyā vās re. 2
Tej tej jiyā tej ambār, tejomay tan tenā re;
Tejomay jyā sarve ākār, shu kahīe sukh enā re. 3
Te tej madhye sihāsan shobhe, tiyā beṭhā Bahunāmī re;
Nishkuḷānand kahe man lobhe, Pūrṇa Purushottam pāmī re. 4
