કીર્તન મુક્તાવલી
એવા ધામને પામવા કાજ અવસર અમૂલ્ય આવ્યો
૧-૧૦૮૮: સદ્ગુરુ નિષ્કુળાનંદ સ્વામી
Category: ચોસઠપદી
પદ - ૫૭
એવા ધામને પામવા કાજ, અવસર અમૂલ્ય આવ્યો;
આવ્યો સુખનો મળી સમાજ, ભલો અતિ મન ભાવ્યો... ૧
ભાવ્યો એ રસ જેહને ઉર, તેણે પીવા પ્યાસ કરી;
કરી દેહબુદ્ધિ વળી દૂર, એક ઉર રાખ્યા હરિ... ૨
હરિ વિના રાખ્યું નહિ કાંય, અસત્ય જાણી આપે;
આપે વિચાર્યું અંતરમાંય, તેહ તપે નહિ તાપે... ૩
તાપે તપતાં જાણી ત્રિલોક, ઇચ્છા ઉરથી તજી;
તજી નિષ્કુળાનંદ સંશય શોક, ભાવે લીધા પ્રભુને ભજી... ૪
Evā Dhāmne pāmvā kāj avsar amūlya āvyo
1-1088: Sadguru Nishkulanand Swami
Category: Chosath Padi
Pad 57
Evā Dhāmne pāmvā kāj, avsar amūlya āvyo;
Āvyo sukhno maḷī samāj, bhalo ati man bhāvyo... 1
Bhāvyo e ras jehne ur, teṇe pīvā pyās karī;
Karī dehbuddhi vaḷī dur, ek ur rākhyā Hari... 2
Hari vinā rākhyu nahi kāy, asatya jāṇī āpe;
Āpe vichāryu antarmāy, teh tape nahi tāpe... 3
Tāpe taptā jāṇī trilok, īchchhā urthī tajī;
Tajī Nishkuḷānand sanshay shok, bhāve līdhā Prabhune bhajī... 4
