કીર્તન મુક્તાવલી

કીર્તન મુક્તાવલી

જ્યાં લગી જક્ત જંજાળ ઉરમાં ખરો

૧-૧૨૦: સદ્‍ગુરુ મુક્તાનંદ સ્વામી

Category: પ્રભાતિયાં

પદ - ૨

જ્યાં લગી જક્ત જંજાળ ઉરમાં ખરો, ત્યાં લગી શૂરતા ચિત્ત નાવે;

જે જે વિચારીને જુક્તિ કરવા જશે, તે જ કાયરપણું નામ કા’વે... ૧

પરચો ઇચ્છે તેને પામર જાણવો, જન ન ઇચ્છવું જોગ્ય જાણે;

નિષ્કામી તે નારાયણ રૂપ છે, આશા† ને તૃષ્ણા† ઉરમાં ન આણે... ૨

અક્ષર પર પુરુષોત્તમ શ્રીહરિ‡, તેહને સૂઝશે તે જ કરશે;

જન મતિમંદ અણછતાં ઊભાં થઈ, તાણતાં તાણતાં તૂટી મરશે... ૩

કેસરી બાળને ભય નહિ કોઈનો, મત્ત મેંગળ તણાં જૂથ ભાગે;

મુક્તાનંદ તે શિષ્ય સદ્‍ગુરુ તણા, જગતથી ઊલટી રીત જાગે... ૪

†આશ; ત્રાસ ‡વિશ્વવ્યાપી હરિ એક વિલસી રહ્યા

Jyā lagī jakta janjāḷ urmā kharo

1-120: Sadguru Muktanand Swami

Category: Prabhatiya

Pad - 2

Jyā lagī jakta janjāḷ urmā kharo, tyā lagī shūrtā chitta nāve;

 Je je vichārīne jukti karavā jashe, te j kāyarpaṇu nām kā’ve... 1

Paracho ichchhe tene pāmar jāṇavo, jan na ichchhavu jogya jāṇe;

 Niṣhkāmī te Nārāyaṇ rūp chhe, āshā† ne tṛuṣhṇā† urmā na āṇe... 2

Akṣhar par Puruṣhottam Shrīhari‡, tehane sūzashe te j karashe;

 Jan matimand aṇachhatā ūbhā thaī, tāṇatā tāṇatā tūṭī marashe... 3

Kesarī bāḷane bhay nahi koīno, matta mengaḷ taṇā jūth bhāge;

 Muktānand te shiṣhya sad‍guru taṇā, jagatathī ūlaṭī rīt jāge... 4

†āsha; trās ‡Vishvavyāpī Hari ek vilasī rahyā

loading