કીર્તન મુક્તાવલી

કીર્તન મુક્તાવલી

જ્યાં લગી જાત ને ભાત જંજાળ છે

૧-૧૨૨: સદ્‍ગુરુ મુક્તાનંદ સ્વામી

Category: પ્રભાતિયાં

પદ - ૪

જ્યાં લગી જાત ને ભાત જંજાળ છે, ત્યાં લગી આત્મા જાણ અળગો;

જેહને હરિ વિના અન્ય અળખામણું, સત્ય સ્વરૂપ નર તેહ વળગો... ૧

ઊલટા અન્નની સહજ ઇચ્છા ટળે, દેખતાં ઊબકો સૌને આવે;

તેહને જે ભખે મનુષ્યમાં નવ ખપે, શ્વાન સૂકર તણી જાત કા’વે... ૨

જ્યાં લગી દેહને હું કરી જાણશે, ત્યાં લગી ભોગવિલાસ ભાવે;

શ્વાન સૂકર તે મનુષ્યમાંથી ટળ્યો, હરિતણો જન તે કેમ કા’વે... ૩

હરિના જન હરિના ગુણે જુક્ત છે, મુક્ત તનનું નહિ માન જેને;

મુક્તાનંદ તે સંતજન સૂરમાં, આપમાં વ્યાપ હરિ હોય તેને†... ૪

†પ્રગટ પરબ્રહ્મ રહે પાસ તેને

Jyā lagī jāt ne bhāt janjāḷ chhe

1-122: Sadguru Muktanand Swami

Category: Prabhatiya

Pad - 4

Jyā lagī jāt ne bhāt janjāḷ chhe, tyā lagī ātmā jāṇ aḷago;

 Jehane Hari vinā anya aḷakhāmaṇu, satya swarūp nar teh vaḷago... 1

Ūlaṭā annanī sahaj ichchhā ṭaḷe, dekhatā ūbako saune āve;

 Tehane je bhakhe manuṣhyamā nav khape, shvān sūkar taṇī jāt kā’ve... 2

Jyā lagī dehane hu karī jāṇashe, tyā lagī bhog-vilās bhāve;

 Shvān sūkar te manuṣhyamāthī ṭaḷyo, Haritaṇo jan te kem kā’ve... 3

Harinā jan Harinā guṇe jukta chhe, mukta tannu nahi mān jene;

 Muktānand te sant-jan sūrmā, āpmā vyāp Hari hoya tene... 4

†pragaṭ Parabrahma rahe pās tene

loading