કીર્તન મુક્તાવલી
મનુષ્યલીલા રે (પદ - ૩)
૧-૧૭૨: સદ્ગુરુ પ્રેમાનંદ સ્વામી
Category: લીલા ચિન્તામણિ
પદ - ૩
મનુષ્યલીલા રે, કરતા મંગળકારી;
ભક્તસભામાં રે, બેઠા ભવભયહારી. ૧
જેને જોતાં રે, જાયે જગ આસક્તિ;
જ્ઞાન વૈરાગ્ય રે, ધર્મ સહિત જે ભક્તિ. ૨
તે સંબંધી રે, વાર્તા કરતા ભારી;
હરિ સમજાવે રે, નિજ જનને સુખકારી. ૩
યોગ ને સાંખ્ય રે, પંચરાત્ર વેદાંત;
એ શાસ્ત્રનો રે, રહસ્ય કહે કરી ખાંત. ૪
જ્યારે હરિજન રે, દેશ દેશના આવે;
ઉત્સવ ઉપર રે, પૂજા બહુવિધ લાવે. ૫
જાણી પોતાના રે, સેવકજન અવિનાશી;
તેમની પૂજા રે, ગ્રહણ કરે સુખરાશી. ૬
ભક્ત પોતાના રે, તેને શ્યામ સુજાણ;
ધ્યાન કરાવી રે, ખેંચે નાડી પ્રાણ. ૭
ધ્યાનમાંથી રે, ઉઠાડે નિજ જનને;
દેહમાં લાવે રે, પ્રાણ ઇન્દ્રિય મનને. ૮
સંત સભામાં રે, બેઠા હોય અવિનાશ;
કોઈ હરિજનને રે, તેડવો હોય પાસ. ૯
પહેલી આંગળી રે, નેત્રતણી કરી સાન;
પ્રેમાનંદ કહે રે, સાદ કરે ભગવાન. ૧૦
Manuṣhyalīlā re (pad - 3)
1-172: Sadguru Premanand Swami
Category: Leela Chintamani
Pad - 3
Manushyalīlā re, kartā mangaḷkārī;
Bhaktasabhāmā re, beṭhā bhavbhayhārī. 1
Jene jotā re, jāye jag āsakti;
Gnān vairāgya re, dharma sahit je bhakti. 2
Te sambandhī re, vārtā kartā bhārī;
Hari samjāve re, nij janne sukhkārī. 3
Yoga ne Sānkhya re, Pancharātra Vedānt;
E shāstrano re, rahasya kahe karī khānt. 4
Jyāre harijan re, desh deshnā āve;
Utsav upar re, pūjā bahuvidh lāve. 5
Jāṇī potānā re, sevakjan Avināshī;
Temnī pūjā re, grahaṇ kare sukhrāshī. 6
Bhakta potānā re, tene Shyām sujāṇ;
Dhyān karāvī re, kheche nāḍī prāṇ. 7
Dhyānmāthī re, uṭhāḍe nij janne;
Dehmā lāve re, prāṇ indriya manne. 8
Sant sabhāmā re, beṭhā hoy avināsh;
Koī harijanne re, teḍvo hoy pās. 9
Pahelī āngḷī re, netrataṇī karī sān;
Premānand kahe re, sād kare Bhagwān. 10
