કીર્તન મુક્તાવલી
ચળું કરે રે (પદ - ૯)
૧-૧૭૮: સદ્ગુરુ પ્રેમાનંદ સ્વામી
Category: લીલા ચિન્તામણિ
પદ - ૯
ચળું કરે રે, મોહન તૃપ્ત થઈને;
દાંતને ખોતરે રે, સળી રૂપાની લઈને. ૧
મુખવાસ લઈને રે, ઢોલિયે બિરાજે;
પૂજા કરે રે, હરિજન હેતે ઝાઝે. ૨
પાંપણ ઉપર રે, આંટો લઈ અલબેલો;
ફેંટો બાંધે રે, છોગું મેલી છેલો. ૩
વર્ષા ઋતુને રે, શરદ ઋતુને જાણી;
ઘેલા નદીનાં રે, નિર્મળ નીર વખાણી. ૪
સંત હરિજનને રે, સાથે લઈ ઘનશ્યામ;
ન્હાવા પધારે રે, ઘેલે પૂરણકામ. ૫
બહુ જળક્રીડા રે, કરતાં જળમાં ન્હાય;
જળમાં તાળી રે, દઈને કીર્તન ગાય. ૬
નાહીને બા’રે રે, નીસરી વસ્ત્ર પહેરી;
ઘોડે બેસી રે, ઘેર આવે રંગલહેરી. ૭
પાવન જશને રે, હરિજન ગાતા આવે;
જીવન જોઈને રે, આનંદ ઉર ન સમાવે. ૮
ગઢપુરવાસી રે, જોઈને જગ આધાર;
સુફળ કરે છે રે, નેણાં વારમવાર. ૯
આવી બિરાજે રે, ઓસરીયે બહુનામી;
ઢોલિયા ઉપર રે, પ્રેમાનંદના સ્વામી. ૧૦
Chaḷu kare re (pad - 9)
1-178: Sadguru Premanand Swami
Category: Leela Chintamani
Pad - 9
Chaḷu kare re, Mohan trupt thaīne;
Dāntne khotre re, saḷī rūpānī laīne. 1
Mukhvās laīne re, ḍhoḷiye birāje;
Pūjā kare re, harijan hete jhājhe. 2
Pāpaṇ upar re, ānṭo laī Albelo;
Fenṭo bāndhe re, chhogu melī Chhelo. 3
Varṣhā ṛutune re, Sharad ṛutune jāṇī;
Ghelā nadinā re, nīrmaḷ nīr vakhāṇī. 4
Sant harijanne re, sāthe laī Ghanshyām;
Nhāvā padhāre re, Ghele Pūraṇkām. 5
Bahu jaḷkrīḍā re, kartā jaḷmā nhāy;
Jaḷmā tāḷī re, daīne kīrtan gāy. 6
Nhāīne bā’re re, nīsrī vastra paherī;
Ghoḍe besī re, gher āve Ranglaherī. 7
Pāvan jashne re, harijan gātā āve;
Jīvan joīne re, ānand ur na samāve. 8
Gaḍhpūrvāsī re, joīne jag ādhār;
Sufaḷ kare chhe re, neṇā vāramvār. 9
Āvī birāje re, osarie bahunāmī;
Ḍholiyā upar re, Premānandnā Swāmī. 10
