કીર્તન મુક્તાવલી
નિજ સેવકને રે (પદ - ૧૦)
૧-૧૭૯: સદ્ગુરુ પ્રેમાનંદ સ્વામી
Category: લીલા ચિન્તામણિ
પદ - ૧૦
નિજ સેવકને રે, સુખ દેવાને કાજ;
પોતે પ્રગટ્યા રે, પુરુષોત્તમ મહારાજ. ૧
ફળિયામાંહી રે, સભા કરી વિરાજે;
પૂરણ શશી રે, ઉડુગણમાં જેમ છાજે. ૨
બ્રહ્મરસ વરસી રે, તૃપ્ત કરે હરિજનને;
પોઢે રાત્રે રે, જમી શ્યામ શુદ્ધ અન્નને. ૩
બે આંગળિયું રે, તિલક કર્યાની પેરે;
ભાલ વચ્ચે રે, ઊભી રાખી ફેરે. ૪
સૂતાં સૂતાં રે, માળા માગી લઈને;
જમણે હાથે રે, નિત ફેરવે ચિત્ત દઈને. ૫
ભૂલ ન પડે રે, કેદી એવું નેમ;†
ધર્મકુંવરની રે, સહજ પ્રકૃતિ એમ. ૬
ભર નિદ્રામાં રે, પોઢ્યા હોય મુનિરાયે;
કોઈ અજાણે રે, લગાર અડી‡ જાયે. ૭
ત્યારે ફડકી રે, જાગે સુંદર શ્યામ;
‘કોણ છે?’ પૂછે રે, સેવકને સુખધામ. ૮
એવી લીલા રે, હરિની અનંત અપાર;
મેં તો ગાઈ રે, કાંઈક મતિ અનુસાર. ૯
જે કોઈ પ્રીતે રે, શીખશે સુણશે ગાશે;
પ્રેમાનંદનો રે, સ્વામી રાજી થાશે. ૧૦
†નિયમ
‡અડકી
Nij sevakne re (pad - 10)
1-179: Sadguru Premanand Swami
Category: Leela Chintamani
Pad - 10
Nij sevakne re, sukh devāne kāj;
Pote pragaṭyā re, Purushottam Mahārāj. 1
Faḷiyāmāhī re, sabhā karī virāje;
Pūraṇ shashī re, uḍugaṇmā jem chhāje. 2
Brahmras varsī re, trupt kare harijanne;
Poḍhe rātre re, jamī Shyām shuddh annane. 3
Be āngaḷiyu re, tilak karyānī pere;
Bhāl vachche re, ūbhī rākhī fere. 4
Sūtā sūtā re, māḷā māgī laīne;
Jamṇe hāthe re, nit ferve chitt daīne. 5
Bhul na paḍe re, kedī evu nem;
Dharmakuvarnī re, sahaj prakruti em. 6
Bhar nidrāmā re, poḍhyā hoye Munirāye;
Koī ajāṇe re, lagār aḍī jāye. 7
Tyāre faḍkī re, jāge sundar Shyām;
‘Koṇ chhe?’ pūchhe re, sevakne Sukhdhām. 8
Evī līlā re, Harinī anant apār;
Me to gāī re, kaik mati anusār. 9
Je koī prīte re, shikhshe suṇshe gāshe;
Premānandno re, Swāmī rājī thāshe. 10
