કીર્તન મુક્તાવલી
ઓરા આવો શ્યામ સનેહી
૧-૧૮૦: સદ્ગુરુ પ્રેમાનંદ સ્વામી
Category: લીલા ચિન્તામણિ
ઓરા આવો શ્યામ સનેહી, સુંદર વર જોઉં વ્હાલા;
જતન કરીને જીવન મારા, જીવમાંહી પ્રોઉં વ્હાલા... ૧
ચિહ્ન અનુપમ અંગોઅંગનાં, સૂરતે સંભારું વ્હાલા;
નખશિખ નીરખી નૌતમ મારા, ઉરમાં ઉતારું વ્હાલા... ૨
અરુણ કમળસમ જુગલ ચરણની, શોભા અતિ સારી વ્હાલા;
ચિંતવન કરવા આતુર અતિ, મન વૃત્તિ મારી વ્હાલા... ૩
પ્રથમ તે ચિંતવન કરું, સુંદર સોળે ચિહ્ન વ્હાલા;
ઊર્ધ્વરેખા ઓપી રહી, અતિશે નવીન વ્હાલા... ૪
અંગૂઠા આંગળી વચ્ચેથી, નીસરીને આવી વ્હાલા;
પાનીની બે કોરે જોતાં, ભક્તને મન ભાવી વ્હાલા... ૫
જુગલ ચરણમાં કહું મનોહર, ચિહ્ન તેનાં નામ વ્હાલા;
શુદ્ધ મને કરી સંભારતાં, નાશ પામે કામ વ્હાલા... ૬
અષ્ટકોણ ને ઊર્ધ્વરેખા, સ્વસ્તિક જાંબુ જવ વ્હાલા;
વજ્ર અંકુશ કેતુ ને પદ્મ, જમણે પગે નવ વ્હાલા... ૭
ત્રિકોણ કળશ ને ગોપદ સુંદર, ધનુષ ને મીન વ્હાલા;
અર્ધચંદ્ર ને વ્યોમ સાત છે, ડાબે પગે ચિહ્ન વ્હાલા... ૮
જમણા પગના અંગૂઠાના, નખમાંહી ચિહ્ન વ્હાલા;
તે તો નીરખે જે કોઈ ભક્ત, પ્રીતિએ પ્રવીણ વ્હાલા... ૯
એ જ અંગૂઠાની પાસે,† તિલ એક નૌતમ ધારું વ્હાલા;
પ્રેમાનંદ કહે નીરખું પ્રીતે, પ્રાણ લઈ વારું વ્હાલા... ૧૦
†અંગૂઠાને બા’રે
Orā āvo Shyām sanehī
1-180: Sadguru Premanand Swami
Category: Leela Chintamani
Orā āvo Shyām sanehī, sundar var jou vhālā;
Jatan karīne jīvan mārā, jīvamāhī prou vhālā. 1
Chihna anupam ango-angnā, sūrate sambhāru vhālā;
Nakhshikh nīrkhī nautam mārā, urmā utāru vhālā. 2
Aruṇ kamaḷsam jugal charaṇnī, shobhā ati sārī vhālā;
Chintvan karvā ātur ati, man vrutti mārī vhālā. 3
Pratham te chintvan karu, sundar soḷe chihna vhālā;
Ūrdhvarekhā opī rahī, atishe navīn vhālā. 4
Angūṭhā āngaḷī vachchethī, nīsarīne āvī vhālā;
Pānīnī be kore jotā, bhaktane man bhāvī vhālā. 5
Jugal charaṇmā kahu manohar, chihna tenā nām vhālā;
Shuddh mane karī sambhārtā, nāsh pāme kām vhālā. 6
Aṣhtakoṇ ne ūrdhvarekhā, swastik jambu jav vhālā;
Vajra, ankush, ketu ne padma, jamṇe page nav vhālā. 7
Trikoṇ, kaḷash ne gopad sundar, dhanush ne mīn vhālā;
Ardhachandra ne vyom sāt chhe, ḍābe page chihna vhālā. 8
Jamṇā pagnā angūṭhānā nakhmāhī chihna vhālā;
Te to nīrkhe je koī bhakta, prītie pravīṇ vhālā. 9
E ja angūṭhāne bā’re til ek nautam dhāru vhālā;
Premānand kahe nīrkhu prīte, prāṇ laī vāru vhālā. 10
