કીર્તન મુક્તાવલી
વહાલા તારી ભુજા જુગલ જગદીશ
૧-૧૮૯: સદ્ગુરુ પ્રેમાનંદ સ્વામી
Category: ધ્યાન ચિન્તામણિ
પદ - ૫
વહાલા તારી ભુજા જુગલ જગદીશ, જોઈને જાઉં વારણે રે લોલ;
કરનાં લટકાં કરતા લાલ, આવોને મારે બારણે રે લોલ... ꠶ ૧
વહાલા તારી આંગળિયુંની રેખા, નખમણિ જોઈને રે લોલ;
વહાલા મારા ચિત્તમાં રાખું ચોરી, કહું નહિ કોઈને રે લોલ... ꠶ ૨
વહાલા તારા ઉરમાં અનુપમ છાપ, જોવાને જીવ આકળો રે લોલ;
વહાલા મારા હૈડે હરખ ન માય, જાણું જે હમણાં મળો રે લોલ... ꠶ ૩
વહાલા તારું ઉદર અતિ રસરૂપ, શીતળ સદા નાથજી રે લોલ;
આવો ઓરા પ્રેમસખીના પ્રાણ, મળું ભરી બાથજી રે લોલ... ꠶ ૪
Vahālā tārī bhujā jugal Jagadīsh
1-189: Sadguru Premanand Swami
Category: Dhyan Chintamani
Pad - 5
Vahālā tārī bhujā jugal Jagdīsh, joīne jāu vārṇe re lol;
Karnā laṭkā kartā lāl, āvone māre bārṇe re lol... 1
Vahālā tārī āngaḷiyunī rekhā, nakhmaṇi joīne re lol;
Vahālā mārā chittmā rākhu chorī, kahu nahi koīne re lol... 2
Vahālā tārā urmā anupam chhāp, jovāne jīva ākḷo re lol;
Vahālā mārā haiḍe harakh na māy, jāṇu je hamṇā maḷo re lol... 3
Vahālā tāru udar ati rasrūp, shītaḷ sadā Nāthjī re lol;
Āvo orā Premsakhīnā prāṇ, maḷu bharī bāthjī re lol... 4
