કીર્તન મુક્તાવલી
એક જ અરમાન છે મને
૨-૨૫૮: અજાણ્ય
Category: અન્ય ગુજરાતી પદો
એક જ અરમાન છે મને
મારું જીવન સુગંધી બને... ꠶ટેક
ફૂલડાં બનું કે ભલે ધૂપસળી થાઉં
આશા છે પૂજાની સામગ્રી થાઉં
ભલે કાયા આ રાખ થઈ શમે... ꠶ ૧
તડકા છાયા કે વાય વર્ષાના વાયરા
તોયે કુસુમો કદી ન કરમાયા
ઘાવ ખીલતાં ખીલતાંય ખમે... ꠶ ૨
જગની ખારાશ બધી ઉરમાં સમાવે
તોયે સાગર મીઠી વર્ષા વરસાવે
સદા ભરતી ને ઓટમાં રમે... ꠶ ૩
વાતાવરણમાં સુગંધ ન સમાતી
જેમ જેમ સુખડ ઓરસિયે ઘસાતી
પ્રભુ કાજે ઘસાવું ગમે... ꠶ ૪
ગૌરવ મહાન છે પ્રભુ કાર્ય કેરું
ના જગમાં કાર્ય કોઈ એથી અદકેરું
માર્ગ તેથી પ્રભુનો ગમે... ꠶ ૫
Ek ja armān chhe mane
2-258: unknown
Category: Anya Gujarati Pad
Ek ja armān chhe mane
Māru jīvan sugandhī bane...
Fūlḍā banu ke bhale dhupsaḷī thāu,
Āshā chhe pūjānī sāmagrī thāu,
Bhale kāyā ā rākh thaī shame... 1
Taḍkā chhāyā ke vāy varshānā vāyarā,
Toye kusum kadī na karmāyā,
Ghāv khīltā khīltāy khame... 2
Jagnī khārāsh badhī urmā samāve,
Toye sāgar mīṭhī varshā varsāve,
Sadā bhartī ne oṭma rame... 3
Vātāvaraṇmā sugandh na samātī,
Jem jem sukhaḍ orasiye ghasātī,
Prabhu kāje ghasāvu game... 4
Gaurav mahān chhe Prabhu kārya keru,
Nā jagmā kārya koī ethī adkeru,
Mārg tethī Prabhuno game... 5
