કીર્તન મુક્તાવલી
આજ મારે ઓરડે રે આવ્યા અવિનાશી અલબેલ
૧-૨૭૦: સદ્ગુરુ પ્રેમાનંદ સ્વામી
Category: મૂર્તિનાં પદો
પદ - ૧
આજ મારે ઓરડે રે, આવ્યા અવિનાશી અલબેલ;
બાઈ મેં બોલાવિયા રે, સુંદર છોગાવાળો છેલ... ૧
નીરખ્યા નેણાં ભરી રે, નટવર સુંદર શ્રી ઘનશ્યામ;
શોભા શી કહું રે, નીરખી લાજે કોટિક કામ... ૨
ગૂંથી ગુલાબના રે, કંઠે આરોપ્યા મેં હાર;
લઈને વારણાં રે, ચરણે લાગી વારંવાર... ૩
આપ્યો મેં તો આદરે રે, બેસવા ચાકળિયો કરી પ્યાર;
પૂછ્યા પ્રીતશું રે, બાઈ મેં સર્વે સમાચાર... ૪
કહોને હરિ ક્યાં હતા રે, ક્યાં થકી આવ્યા ધર્મકુમાર;
સુંદર શોભતા રે, અંગે સજિયા છે શણગાર... ૫
પહેરી પ્રીત શું રે, સુરંગી સૂંથણલી સુખદેણ;
નાડી હીરની રે, જોતાં તૃપ્ત ન થાયે નેણ... ૬
ઉપર ઓઢિયો રે, ગૂઢો રેંટો જોયા લાગ;
સજની તે સમે રે, ધન્ય ધન્ય નીરખ્યા તેનાં ભાગ્ય... ૭
મસ્તક ઉપરે રે, બાંધ્યું મોળીડું અમૂલ્ય;
કોટિક રવિ શશી રે, તે તો નાવે તેને તુલ્ય... ૮
રેશમી કોરનો રે, કરમાં સાહ્યો છે રૂમાલ;
પ્રેમાનંદ તો રે, એ છબી નીરખી થયો નિહાલ... ૯
Āj māre orḍe re āvyā Avināshī albel
1-270: Sadguru Premanand Swami
Category: Murtina Pad
Pad - 1
Āj māre orḍe re, āvyā Avināshī albel;
Bāī me bolāviyā re, sundar chhogāvāḷo chhel..1
Nirakhyā neṇā bharī re, Naṭvar sundar Shrī Ghanshyām;
Shobhā shī kahu re, nīrakhī lāje koṭik kām..2
Gunthī gulābnā re, kanṭhe āropyā me hār;
Laīne vārṇā re, charaṇe lāgī vāramvār..3
Āpyo me to ādare re, besvā chākaḷīyo karī pyār;
Pūchhyā prītshu re, bāī me sarve samāchār..4
Kahone Hari kyā hatā re, kyā thakī āvyā Dharmakumār;
Sundar shobhtā re, ange sajiyā chhe shaṇgār..5
Paherī prīt shu re, surangī sūnthaṇlī sukhḍeṇ;
Nāḍī hīrnī re, jotā trupt na thāye neṇ..6
Upar oḍhiyo re, gūḍho renṭo joyā lāg;
Sajnī te same re, dhanya dhanya nīrakhyā tenā bhāgya..7
Mastak upare re, bāndhyu moḷīḍu amūlya;
Koṭik ravi shashī re, te to nāve tene tulya..8
Reshmī korno re, karmā sāhyo chhe rumāl;
Premānand to re, e chhabī nīrakhī thayo nihāl..9
