કીર્તન મુક્તાવલી
સજની સાંભળો રે શોભા વર્ણવું તેની તેહ
૧-૨૭૧: સદ્ગુરુ પ્રેમાનંદ સ્વામી
Category: મૂર્તિનાં પદો
પદ - ૨
સજની સાંભળો રે, શોભા વર્ણવું તેની તેહ;
મૂર્તિ સંભારતાં રે, મુજને ઊપજ્યો અતિ સનેહ... ૧
પહેર્યા તે સમે રે, હરિએ અંગે અલંકાર;
જેવા (મેં) નીરખિયા રે, તેવા વર્ણવું કરીને પ્યાર... ૨
બરાસ કપૂરના રે, પહેર્યા હૈડે સુંદર હાર;
તોરા પાઘમાં રે, તે પર મધુકર કરે ગુંજાર... ૩
બાજૂ બેરખા રે, બાંયે કપૂરના શોભિત;
કડાં કપૂરનાં રે, જોતાં ચોરે સૌનાં ચિત્ત... ૪
સર્વે અંગમાં રે, ઊઠે અત્તરની બહુ ફોર;
ચોરે ચિત્તને રે, હસતાં કમળ નયનની કોર... ૫
હસતાં હેતમાં રે, સહુને દેતા સુખ આનંદ;
રસરૂપ મૂર્તિ રે, શ્રી હરિ કેવળ કરુણાકંદ... ૬
અદ્ભુત ઉપમા રે, કહેતાં શેષ ન પામે પાર;
ધરીને મૂર્તિ રે, જાણે આવ્યો રસશૃંગાર... ૭
વા’લપ વેણમાં રે, નેણાં કરુણામાં ભરપૂર;
અંગોઅંગમાં રે, જાણે ઉગિયા અગણિત સૂર... ૮
કરતા વાતડી રે, બોલી અમૃત સરખાં વેણ;
પ્રેમાનંદનાં રે, જોતાં તૃપ્ત ન થાયે નેણ... ૯
Sajnī sāmbhaḷo re shobhā varṇavu tenī teh
1-271: Sadguru Premanand Swami
Category: Murtina Pad
Pad - 2
Sajnī sāmbhaḷo re, shobhā varṇavu tenī teh;
Mūrti sambhārtā re, mujne ūpajyo ati saneh..1
Paheryā te same re, Harie ange alankār;
Jevā (me) nīrakhiyā re, ṭevā varṇavu karīne pyār..2
Barās kapūrnā re, paheryā haiḍe sundar hār;
Torā pāghmā re, te par madhukar kare gunjār..3
Bājū berkhā re, bāye kapūrnā shobhit;
Kaḍā kapūrnā re, jotā chore saunā chitt..4
Sarve angmā re, ūṭhe attarnī bahu for;
Chore chittne re, hastā kamaḷ nayannī kor..5
Hastā hetmā re, sahune detā sukh ānand;
Rasrūp mūrti re, Shrī Hari kevaḷ karuṇākand..6
Adbhut upmā re, kahetā Shesh na pāme pār;
Dharīne mūrti re, jāṇe āvyo ras-shrungār..7
Vā’lap veṇmā re, neṇā karuṇāmā bharpūr;
Ango-angmā re, jāṇe ugiyā agaṇit sūr..8
Kartā vātḍī re, bolī amrut sarkhā veṇ;
Premānandnā re, jotā trupt na thāye neṇ..9
