કીર્તન મુક્તાવલી
તારા મનમાં જાણે જે મરવું નથી રે
૧-૩૯૦: સદ્ગુરુ દેવાનંદ સ્વામી
Category: ઉપદેશનાં પદો
પદ - ૩
તારા મનમાં જાણે જે મરવું નથી રે, એવો નિશ્ચે કર્યો નિરધાર;
તેમાં ભૂલી ગયો ભગવાનને રે... ꠶ટેક
ધન દોલત નારી ને ઘણા દિકરા રે, ખેતીવાડી ઘોડી ને ઘરબાર... તેમાં꠶ ૧
મેડી મંદિર ઝરૂખા ને માળિયા રે, સુખદાયક સોનેરી સેજ... તેમાં꠶ ૨
ગાદી-તકિયા ને ગાલમસુરિયાં રે, અતિ આડ કરે છે એ જ... તેમાં꠶ ૩
નીચું કાંધ કરીને નમતો નથી રે, એવું સાધુ સંગાથે અભિમાન... તેમાં꠶ ૪
મરમાળી મોહનજીની મૂરતિ રે, તેની સાથે ન લાગેલ તાન... તેમાં꠶ ૫
પાપ અનેક જનમનાં આવી મળ્યાં રે, તારી મતિ મલિન થઈ મંદ... તેમાં꠶ ૬
દેવાનંદના વહાલાને વિસરી ગયો રે, તારે ગળે પડ્યો જમફંદ... તેમાં꠶ ૭
Tārā manmā jāṇe je marvu nathī re
1-390: Sadguru Devanand Swami
Category: Updeshna Pad
Pad - 3
Tārā manmā jāṇe je marvu nathī re,
evo nishche karyo nirdhār;
temā bhūlī gayo bhagwānne re... °ṭek
Dhan dolat nārī ne ghaṇā dikarā re,
khetīvāḍī ghoḍī ne gharbār... Temā° 1
Meḍī mandir zarūkhā ne māḷiyā re,
sukhdāyak sonerī sej... Temā° 2
Gādī-takiyā ne gālmasuriyā re,
ati āḍ kare chhe e ja... Temā° 3
Nīchu kāndh karīne namato nathī re,
evu sādhu sangāthe abhimān... Temā° 4
Marmāḷī Mohanjīnī mūrati re,
tenī sāthe na lāgel tān... Temā° 5
Pāp anek janamnā āvī maḷyā re,
tārī mati malin thaī mand... Temā° 6
Devānandnā vahālāne visarī gayo re,
tāre gaḷe paḍyo jamfand... Temā° 7
