કીર્તન મુક્તાવલી
તન ધન જાતાં હરિજન હોય તે હરિભક્તિથી નવ ચળે
૧-૩૯૮: સદ્ગુરુ મુક્તાનંદ સ્વામી
Category: ઉપદેશનાં પદો
પદ - ૩
તન ધન જાતાં, હરિજન હોય તે હરિભક્તિથી નવ ચળે;
જેમ નાર સતી, સરવે મમતા છોડી પતિ સંગે બળે... ꠶ટેક
જુઓ પ્રહ્લાદે પણ નવ છોડ્યું, નિજ તાતતણું સગપણ ત્રોડ્યું;
દૃઢ કરી મોહન સંગ મન જોડ્યું... તન꠶ ૧
જુઓ હરિશ્ચંદ્રે હરિ નવ તજિયા, પર ઘેર વેચાઈ પ્રભુને ભજિયા;
ત્યારે મોહનના મનમાં રજિયા... તન꠶ ૨
જુઓ બળીનું મન નવ હારિયું, ગુરુ વચન હૃદે નવ ધારિયું;
તન મન ધન પ્રભુ પર વારિયું... તન꠶ ૩
એવી દૃઢતા ધારે તે મુખિયા, તે કોઈ કાળે નવ હોય દુઃખિયા;
કહે મુક્તાનંદ તે મહા સુખિયા... તન꠶ ૪
Tan dhan jātā harijan hoy te haribhaktīthī nav chaḷe
1-398: Sadguru Muktanand Swami
Category: Updeshna Pad
Pad - 3
Tan dhan jātā, harijan hoy te haribhaktīthī nav chaḷe;
Jem nār sati, sarve mamtā chhoḍī pati sange baḷe...
Juo Prahlāde paṇ nav chhoḍyu,
nij tāttaṇu sagpaṇ troḍyu;
Draḍh karī Mohan sang man joḍyu... tan 1
Juo Harischandre Hari nav tajīyā,
par gher vechāī Prabhune bhajīyā;
Tyāre Mohannā manmā rajiyā... tan 2
Juo Balīnu man nav hārīyu,
guru vachan hrude nav dhāriyu;
Tan man dhan Prabhu par vāriyu... tan 3
Evī draḍhtā dhāre te mukhīyā,
te koī kāḷe nav hoy dukhiyā;
Kahe Muktānand te mahā sukhiyā... tan 4
