કીર્તન મુક્તાવલી
શ્રીવાસુદેવ વિમલામૃત-ધામ-વાસં - ધાર્મિક સ્તોત્ર
૧-૪૦૦૨: શ્રી શતાનંદ મુનિ
Category: સંસ્કૃત સ્તોત્રો
શ્રીવાસુદેવ - વિમલામૃત - ધામ - વાસં
નારાયણં નરક - તારણ - નામધેયમ્ ।
શ્યામં સિતં દ્વિભુજમેવ ચતુર્ભુજં ચ
ત્વાં ભક્તિ-ધર્મ-તનયં શરણં પ્રપદ્યે ॥૧॥
શિક્ષાર્થમત્ર નિજભક્તિમતાં નરાણામ્
એકાન્ત-ધર્મમખિલં પરિશીલયન્તમ્ ।
અષ્ટાઙ્ગ-યોગ-કલનાશ્ચ મહાવ્રતાનિ
ત્વાં ભક્તિધર્મતનયં શરણં પ્રપદ્યે ॥૨॥
શ્વાસેન સાકમ્ અનુલોમવિલોમવૃત્ત્યા
સ્વાન્ત ર્બહિશ્ચ ભગવત્યુરુધા નિજસ્ય ।
પૂરે ગતાગત - જલામ્બુધિનોપમેયં
ત્વાં ભક્તિધર્મતનયં શરણં પ્રપદ્યે ॥૩॥
બાહ્યાન્તરિન્દ્રિય - ગણ - શ્વસનાધિદૈવ-
વૃત્ત્યુદ્ભવસ્થિતિલયાનપિ જાયમાનાન્ ।
સ્થિત્વા તતઃ સ્વમહસા પૃથગીક્ષમાણં
ત્વાં ભક્તિધર્મતનયં શરણં પ્રપદ્યે ॥૪॥
માયામયાકૃતિ - તમોઽશુભવાસનાનાં
કર્તું નિષેધમુરુધા ભગવત્સ્વરૂપે ।
નિર્બીજસાઙ્ખ્યમત-યોગગ-યુક્તિભાજં
ત્વાં ભક્તિધર્મતનયં શરણં પ્રપદ્યે ॥૫॥
દિવ્યાકૃતિત્વ - સુમહસ્ત્વ - સુવાસનાનાં
સમ્યગ્વિધિં પ્રથયિતું ચ પતૌ રમાયાઃ ।
સાલમ્બસાઙ્ખ્યપથ-યોગ-સુયુક્તિભાજં
ત્વાં ભક્તિધર્મતનયં શરણં પ્રપદ્યે ॥૬॥
કાર્માર્ત્ત-તસ્કર-નટ-વ્યસનિ-દ્વિષન્તઃ
સ્વસ્વાર્થસિદ્ધિમિવ ચેતસિ નિત્યમેવ ।
નારાયણં પરમયૈવ મુદા સ્મરન્તં
ત્વાં ભક્તિધર્મતનયં શરણં પ્રપદ્યે ॥૭॥
સાધ્વી-ચકોર-શલભાસ્તિમિ-કાલકણ્ઠ-
કોકા નિજેષ્ટવિષયેષુ યથૈવ લગ્નાઃ ।
મૂર્તૌ તથા ભગવતોઽત્ર મુદાતિલગ્નં
ત્વાં ભક્તિધર્મતનયં શરણં પ્રપદ્યે ॥૮॥
સ્નેહાતુરસ્ત્વથ ભયાતુર આમયાવી
યદ્વત્ક્ષુધાતુરજનશ્ચ વિહાય માનમ્ ।
દૈન્યં ભજેયુરિહ સત્સુ તથા ચરન્તં
ત્વાં ભક્તિધર્મતનયં શરણં પ્રપદ્યે ॥૯॥
ધર્મસ્થિતૈરુપગતૈ ર્બૃહતા નિજૈક્યં
સેવ્યો હરિઃ સિતમહઃસ્થિતદિવ્યમૂર્તિઃ ।
શબ્દાદ્યરાગિભિરિતિ સ્વમતં વદન્તં
ત્વાં ભક્તિધર્મતનયં શરણં પ્રપદ્યે ॥૧૦॥
સદ્ગ્રન્થ-નિત્ય-પઠન-શ્રવણાદિસક્તં
બ્રાહ્મીં ચ સત્સદસિ શાસતમત્ર વિદ્યામ્ ।
સંસારજાલ-પતિતાઽખિલજીવબન્ધો!
ત્વાં ભક્તિધર્મતનયં શરણં પ્રપદ્યે ॥૧૧॥
(સત્સંગિજીવન ૫/૬૬/૧૨-૨૨)
Shri Vāsudeva vimalāmruta-dhāma-vāsam - Dhārmik Stotra
1-4002: Shri Shatanand Muni
Category: Sanskrut Stotro
Shri Vāsudeva vimalāmruta - dhāma - vāsam
Nārāyaṇam naraka - tāraṇa - nāmadheyam;
Shyāmam sitam dvibhujameva chaturbhujam cha
Tvām Bhakti-Dharma-tanayam sharaṇam prapadye. 1
Shiksharthamatra nijabhaktimatām narāṇām
Ekānta-dharmamakhilam parishīlyantam;
Ashṭāng-yoga-kalnāscha mahāvratāni
Tvām Bhakti-Dharma-tanayam sharaṇam prapadye. 2
Shvāsena sākamanuloma-viloma-vruttyā
Svāntar bahisch bhagavatyurudhā nijasya;
Pūre gatāgata-jalāmbudhīnopameyam
Tvām Bhakti-Dharma-tanayam sharaṇam prapadye. 3
Bāhyāntarindriya - gaṇa - shvasanādhīdaīva-
Vruttyudbhava-sthitilayānapi jāymānān;
Sthītvā tatah sva-mahasā pruthagīkshamāṇam
Tvām Bhakti-Dharma-tanayam sharaṇam prapadye. 4
Māyāmayākrūtī - tamoshubha-vāsanānām
Kartum nishedhamurudhā bhagavat-swarūpe;
Nirbijasānkhymata-yogag-yuktibhājam
Tvām Bhakti-Dharma-tanayam sharaṇam prapadye. 5
Dīvyākrutitva - sumahastva - suvāsanānām
Samyagvidhim prathayitum cha patau ramāyāha;
Sālambsānkhyapatha-yoga-suyuktibhājam
Tvām Bhakti-Dharma-tanayam sharaṇam prapadye. 6
Kāmārtta-taskara-naṭa-vyasani-dvishantah
Svasvārthsiddhimiva chetasi nityameva;
Nārāyaṇam paramayaīv mudā smarantam
Tvām Bhakti-Dharma-tanayam sharaṇam prapadye. 7
Sādhvi-chakor-shalabhāstimi-kālakantha-
Kokā nījeshṭavishayeshu yathaīv lagnā;
Mūrtau tathā bhagavatotra mudātilagnam
Tvām Bhakti-Dharma-tanayam sharaṇam prapadye. 8
Snehāturastvatha bhayātura āmyāvī
Yadvaṭkshudhāturajanascha vihāya mānam;
Dainyam bhajeyuriha satsu tathā charantam
Tvām Bhakti-Dharma-tanayam sharaṇam prapadye. 9
Dharmasthītairupagatai bruhatā nījaikyam
Sevyo Harihi sitamaha sthitadivyamūrti;
Shabdādyarāgibhiriti svamatam vadantam
Tvām Bhakti-Dharma-tanayam sharaṇam prapadye. 10
Sadgrantha-nitya-pathana-shravaṇādisaktam
Brāhmīm cha satsadasī shāsatamatra vidyām;
Sansārjāla-patitākhilajīvabandho!
Tvām Bhakti-Dharma-tanayam sharaṇam prapadye. 11
(Satsangijivan 5/66/12-22)
