કીર્તન મુક્તાવલી
પેટ કટારી રે પહેરીને સન્મુખ ચાલ્યા
૧-૪૦૩: સદ્ગુરુ બ્રહ્માનંદ સ્વામી
Category: ઉપદેશનાં પદો
પદ - ૪
પેટ કટારી રે, પહેરીને† સન્મુખ ચાલ્યા,
પાછા ન વળે રે, કોઈના તે ન રહે ઝાલ્યા... ૧
આમાસામા રે, ઊડે ભાલા અણિયાળા,
તે અવસરમાં રે, રહે રાજી તે મતવાલા... ૨
સાચા શૂરા રે, જેના વેરી ઘાવ વખાણે,
જીવિત જૂઠું રે, મરવું તે મંગળ જાણે... ૩
તેની પેરે રે, હરિજન પણ જોઈએ તીખા,
અંતરશત્રુને રે, લાગે અતિ વજ્ર સરીખા... ૪
માથું જાતાં રે, મુખનું પાણી નવ જાવે,
બ્રહ્માનંદ કહે રે, તે સંત હરિ મન ભાવે... ૫
†મારીને
Peṭ katārī re paherīne sanmukh chālyā
1-403: Sadguru Brahmanand Swami
Category: Updeshna Pad
Pad - 4
Peṭ katārī re, paherīne sanmukh chālyā,
Pāchhā na vaḷe re, koīnā te na rahe jhālyā... 1
Āmāsāmā re, ūḍe bhālā aṇiyāḷā,
Te avsarmā re, rahe rājī te matvālā... 2
Sāchā shurā re, jeṇā verī ghāv vakhāṇe,
Jīvit jūṭhu re, marvu te mangaḷ jāṇe... 3
Tenī pere re, harijan paṇ joīe tīkhā,
Antar-shatrune re, lāge ati vajra sarīkhā... 4
Māthu jātā re, mukhnu pāṇī nav jāve,
Brahmānand kahe re, te sant Hari man bhāve... 5
