કીર્તન મુક્તાવલી
કરીએ રાજી ઘનશ્યામ રે સંતો
૧-૪૧૪: સદ્ગુરુ નિષ્કુળાનંદ સ્વામી
Category: ઉપદેશનાં પદો
(ધીરજાખ્યાન પદ: ૧૧)
પદ - ૩
કરીએ રાજી ઘનશ્યામ રે, સંતો કરીએ રાજી ઘનશ્યામ;
તો સરે સરવે કામ રે, સંતો કરીએ રાજી ઘનશ્યામ... ટેક
મરજી જોઈ મહારાજના મનની, એમ રહીએ આઠું જામ;
જે ન ગમે જગદીશને જાણો, તેનું ન પૂછીએ નામ રે... સંતો꠶ ૧
તેમાં કષ્ટ આવે જો કાંઈક, સહીએ હૈયે કરી હામ;
અચળ અડગ રહીએ એક મને, તો પામીએ સુખ વિશ્રામ રે... સંતો꠶ ૨
જુઓ રીત આગેના જનની, પામ્યા વિપત્તિ વિરામ;
જનમ થકી માનો મૂઆ સુધી, ઠરી બેઠા નહિ ઠામ રે... સંતો꠶ ૩
એ તો દો’યલું સો’યલું છે આજ, તજિયે દોય દામ વામ;
નિષ્કુળાનંદ નિઃશંક થઈને, પામિયે હરિનું ધામ રે... સંતો꠶ ૪
Karīe rājī Ghanshyām re santo
1-414: Sadguru Nishkulanand Swami
Category: Updeshna Pad
(Dhīrajākhyān pad: 11)
Pad - 3
Karīe rājī Ghanshyām re,
santo karīe rājī Ghanshyām;
To sare sarve kām re,
santo karīe rājī Ghanshyām...
Marjī joī Mahārājnā mannī,
em rahīe āṭhu jām;
Je na game Jagdīshne jāṇo,
tenu na pūchhīe nām re... santo 1
Temā kashṭ āve jo kāīk,
sahīe haiye karī hām;
Achaḷ aḍag rahīe ek mane,
to pāmīe sukh vishrām re... santo 2
Juo rīt āgenā jannī,
pāmyā vipatti virām;
Janam thakī māno mūā sudhī,
ṭharī beṭhā nahi ṭhām re... santo 3
E to do’ylu so’ylu chhe āj,
tajīye doy dām vām;
Nishkuḷānand nishank thaīne,
pāmiye Harinu Dhām re... santo 4
Listen to ‘કરીએ રાજી ઘનશ્યામ રે સંતો’
