કીર્તન મુક્તાવલી

કીર્તન મુક્તાવલી

ધીરજ ધર તું અરે અધીરા

૧-૪૨૦: સદ્‍ગુરુ દેવાનંદ સ્વામી

Category: ઉપદેશનાં પદો

પદ - ૧

ધીરજ ધર તું અરે અધીરા, ઈશ્વર પૂરે અન્ન જોને;

ખલક તણો છે ખટકો પ્રભુને, સાચું માને મન જોને... ૧

જન્મ્યું તેને જિવાડવાને, ઉપાય શોધ્યો શુદ્ધ જોને;

હાડ માંસના હૈયા મધ્યે, દેવે સરજ્યાં દૂધ જોને... ૨

કીડીને કણ હાથીને મણ, ચારપગાંને ચાર જોને;

કોશીટામાં કીટ વસે છે, ઈશ્વર પૂરે આહાર જોને... ૩

મસીદ કેરા કોટ મિનારા, ઉપર ઊગ્યાં ઝાડ જોને;

પથ્થર ઉપર પાણી વરસે, તે ઈશ્વરનો પાડ જોને... ૪

અરણ્ય વનમાં અજગર રહે છે, ડગલું ન ભરે દોટ જોને;

વિશ્વંભરનું બિરુદ વિચારો, ખાવાની શી ખોટ જોને... ૫

અનળપક્ષી આકાશે રહે છે, મદઝર ભરખે મોટા જોને;

પરમેશ્વરની કૃપા વડે તો, બનિયા જળના ગોટા જોને... ૬

મરાળને મોતીનો ચારો, વખતે આપે† વા’લો જોને;

દેવાનંદ કહે દેવ ભરોસે, મગન થઈને મા’લો જોને... ૭

†આલે

Dhīraj dhar tu are adhīrā

1-420: Sadguru Devanand Swami

Category: Updeshna Pad

Pad - 1

Dhīraj dhar tu are adhīrā, Īshwar pure anna jone;

 Khalak taṇo chhe khaṭko Prabhune, sāchu māne man jone... 1

Janmyu tene jīvāḍvāne, upāy shodhyo shuddh jone;

 Hāḍ mānsnā haiyā madhye, deve sarjyā dūdh jone... 2

Kīḍīne kaṇ hāthīne maṇ, chārpagāne chār jone;

 Koshīṭāmā kīṭ vase chhe, Īshwar pūre āhār jone... 3

Masīd kerā koṭ minārā, upar ūgyā jhād jone;

 Patthar upar pāṇī varse, te Īshwarno pāḍ jone... 4

Araṇya vanmā ajgar rahe chhe, ḍaglu na bhare dot jone;

 Vishvambharnu birud vichāro, khāvānī shī khoṭ jone... 5

Anaḷpakshī ākāshe rahe chhe, madjhar bharkhe moṭā jone;

 Parameshwarnī krupā vaḍe to, banīyā jaḷnā goṭā jone... 6

Marāḷne motīno chāro, vakhate āpe vā’lo jone;

 Devānand kahe dev bharose, magan thaīne mā’lo jone... 7

loading