કીર્તન મુક્તાવલી
ભાગ્ય જાગ્યાં રે આજ જાણવાં
૧-૪૩૯: સદ્ગુરુ નિષ્કુળાનંદ સ્વામી
Category: ઉપદેશનાં પદો
(સારસિદ્ધિ - પદ: ૧૨)
પદ - ૪
ભાગ્ય જાગ્યાં રે આજ જાણવાં, કોટિ થયાં કલ્યાણ;
ઉધારો ન રહ્યો એહનો, પામ્યા પ્રભુ પ્રગટ પ્રમાણ... ꠶ ૧
અનાથપણાનું ઊતર્યું, સદા થયા સનાથ;
ડર ન રહ્યો બીજા દેવનો, ગ્રહ્યો હરિએ હાથ... ꠶ ૨
કંગાલપણું કે’વા ન રહ્યું, સદા મનાણું સુખ;
મસ્તી આવી રે અતિ અંગમાં, દૂર પલાણાં દુઃખ... ꠶ ૩
અણસમજણ અળગી થઈ, સમી સમજાણી વાત;
પાંપળાં સર્વે પરાં પળ્યાં, મળ્યા શ્રહરિ સાક્ષાત... ꠶ ૪
કસર ન રહી કોઈ વાતની, પામ્યા પ્રભુ પ્રગટ પ્રસંગ;
ખોટ મટીને ખાટ્ય થઈ, રહી ગયો છે રંગ... ꠶ ૫
ભુધર મળતાં ભલું થયું, ફેરો ફાવ્યો આ વાર;
સુખ તણી સીમા તે શી કહું, મને મોદ અપાર... ꠶ ૬
આજ આનંદ વધામણાં, હૈયે હરખ ન માય;
અમળતી વાત તે આવી મળી, શી કહું સુખની સીમાય... ꠶ ૭
આજ અમૃતની હેલી થઈ, રહી નહિ કાંઈ ખોટ;
એક કલ્યાણનું ક્યાં રહ્યું, થયાં કલ્યાણ કોટ... ꠶ ૮
રાંકપણું તો રહ્યું નહિ, કોઈ મા કહેશો કંગાલ;
નિરધનિયાં તો અમે નથી, મહા મળ્યો છે માલ... ꠶ ૯
કોણ જાણે આ કેમ થયું, આવ્યું અણચિંતવ્યું સુખ;
ઢાળો અલૌકિક ઢળી ગયો, મળ્યા હરિ મુખોમુખ... ꠶ ૧૦
ધન્ય ધન્ય અવસર આજનો, જેમાં મળિયા મહારાજ;
નિષ્કુળાનંદ ડંકો જીતનો, વાગી ગયો છે આજ... ꠶ ૧૧
Bhāgya jāgyā re āj jāṇvā
1-439: Sadguru Nishkulanand Swami
Category: Updeshna Pad
(Sārsiddhi - pad: 12)
Pad - 4
Bhāgya jāgyā re āj jāṇvā, koṭi thayā kalyāṇ;
Udhāro na rahyo ehno, pāmyā Prabhu pragaṭ pramāṇ... 1
Anāthpaṇānu ūtaryu, sadā thayā sanāth;
Ḍar na rahyo bījā devano, grahyo Harie hāth... 2
Kangālpaṇu ke’vā na rahyu, sadā manāṇu sukh;
Mastī āvī re ati angmā, dūr palāṇā dukh... 3
Aṇsamjaṇ aḷgī thaī, samī samjāṇī vāt;
Pāpaḷā sarve parā paḷyā, maḷyā Shrī Hari sākshāt... 4
Kasar na rahī koī vātnī, pāmyā Prabhu pragaṭ prasang;
Khoṭ maṭīne khāṭya thaī, rahī gayo chhe rang... 5
Bhūdhar maḷtā bhalu thayu, fero fāvyo ā vār;
Sukh taṇī sīmā te shī kahu, mane mod apār... 6
Āj ānand vadhāmṇā, haiye harakh na māy;
Amaḷtī vāt te āvī maḷī, shī kahu sukhnī simāy... 7
Āj amrutnī helī thaī, rahī nahi kāī khoṭ;
Ek kalyāṇnu kyā rahyu, thayā kalyāṇ koṭ... 8
Rānkpaṇu to rahyu nahi, koī mā kahesho kangāl;
Nirdhaniyā to ame nathī, mahā maḷyo chhe māl... 9
Koṇ jāṇe ā kem thayu, āvyu aṇchintavyu sukh;
Dhāḷo alaukik dhaḷī gayo, maḷyā Hari mukhomukh... 10
Dhanya dhanya avsar ājno, jemā maḷīyā Mahārāj;
Nishkuḷānand danko jītno, vāgī gayo chhe āj... 11
