કીર્તન મુક્તાવલી
ત્યાગ ન ટકે રે વૈરાગ્ય વિના
૧-૪૮૦: સદ્ગુરુ નિષ્કુળાનંદ સ્વામી
Category: ઉપદેશનાં પદો
પદ - ૪
ત્યાગ ન ટકે રે વૈરાગ્ય વિના, કરીએ કોટિ ઉપાયજી;
અંતર ઊંડી જે ઇચ્છા રહે, તે કેમ કરીને તજાયજી... ત્યાગ꠶ ૧
વેશ લીધો રે વૈરાગ્યનો, દેશ રહી ગયો દૂરજી;
ઉપર વેશ તો આછો† બન્યો, માંહી મોહ ભરપૂરજી... ત્યાગ꠶ ૨
કામ ક્રોધ લોભ મોહનું, જ્યાં લગી મૂળ ન જાયજી;
સંગ પ્રસંગે તે પાંગરે, જ્યારે જોગ ભોગનો થાયજી... ત્યાગ꠶ ૩
ઉષ્ણ રતે અવનિ ઉપરે, બીજ ન દીસે બહારજી;
ઘન વરસે વન પાંગરે, એમ ઇન્દ્રિય વિષે આકારજી... ત્યાગ꠶ ૪
ચમક દેખીને લોહ ચળે, એમ ઇન્દ્રિય વિષય સંજોગજી;
અણભેટ્યે રે અભાવ છે, ભેટ્યે ભોગવશે ભોગજી... ત્યાગ꠶ ૫
ઉપર તજે ને અંતર ભજે, એમ ન સરે અરથજી;
વણસ્યો રે વર્ણ આશ્રમથી, અંતે કરશે અનરથજી... ત્યાગ꠶ ૬
ભ્રષ્ટ થયો રે જોગ ભોગથી, જેમ બગડ્યું દૂધજી;
ગયું રે ઘૃત મહી માખણથી, આપે થયું અશુદ્ધજી... ત્યાગ꠶ ૭
પળમાં જોગી ને ભોગી પળમાં, પળમાં ગૃહી ને ત્યાગીજી;‡
નિષ્કુળાનંદ એ નરનો, વણસમજ્યો વૈરાગ્યજી... ત્યાગ꠶ ૮
†અચ્છો
‡ગ્રહીને ત્યાગજી
Tyāg na ṭake re vairāgya vinā
1-480: Sadguru Nishkulanand Swami
Category: Updeshna Pad
Pad - 4
Tyāg na ṭake re vairāgya vinā, karīe koṭi upāyjī;
Antar ūndī je ichchhā rahe, te kem karīne tajāyjī... tyāg 1
Vesh līdho re vairāgyano, desh rahī gayo dūrjī;
Upar vesh to āchho banyo, māhī moh bharpūrjī... tyāg 2
Kām krodh lobh mohnu, jyā lagī mūḷ na jāyjī;
Sang prasange te pāngare, jyāre jog bhogno thāyjī... tyāg 3
Ushṇa rate avnī upare, bīj na dise bahārjī;
Ghan varse van pāngare, em īndriya vishe ākārjī... tyāg 4
Chamak dekhīne loh chaḷe, em īndriya vishay sanjogjī;
Aṇbhetye re abhāv chhe, bhetye bhogavshe bhogjī... tyāg 5
Upar taje ne antar bhaje, em na sare arthjī;
Vaṇsyo re varṇa āshramthī, ante karshe anarthjī... tyāg 6
Bhrashṭ thayo re jog bhogthī, jem bagaḍyu dūdhjī;
Gayu re ghrut mahī mākhaṇthī, āpe thayu ashuddhjī... tyāg 7
Paḷmā jogī ne bhogī paḷmā, paḷmā gruhī ne tyāgījī;
Nishkuḷānand e narno, vaṇsamjyo vairāgjī... tyāg 8
Listen to ‘ત્યાગ ન ટકે રે વૈરાગ્ય વિના’
