કીર્તન મુક્તાવલી
મારા હરજી શું હેત ન દીસે રે
૧-૪૮૯: નરસિંહ મહેતા
Category: ઉપદેશનાં પદો
પદ - ૧
મારા હરજી શું હેત ન દીસે રે તેને ઘેર શીદ જઈએ,
તેને સંગે શીદ રહીએ રે... ꠶ટેક
હેત વિના હુંકારો ન દેવો, જેનું હરખેશું હૈડું ન હીસે રે;
આગળ જઈને વાત વિસ્તારે, જેની આંખ્યુમાં પ્રેમ ન દીસે રે... તેને꠶ ૧
ભક્તિભાવનો ભેદ ન જાણે ને, ભુરાયો થઈને ભાળે રે;
લલિત લીલાને રંગે ન રાચે, પછી ઉલેચી અંધારું ટાળે રે... તેને꠶ ૨
નામ તણો વિશ્વાસ ન આવે, ને ઊંડુ તે ઊંડુ શોધે રે;
જાહ્નવી તીરે† તરંગ તજીને, પછી તટમાં જઈને કૂપ ખોદે રે... તેને꠶ ૩
પોતાના સરખી કરીને જાણે, પુરુષોત્તમની કાયા રે;
નરસૈયાના સ્વામીની લીલા, ઓલ્યા મતિયા કહે છે માયા રે... તેને꠶ ૪
†કેરા
Mārā harjī shu het na dīse re
1-489: Narsinha Mehta
Category: Updeshna Pad
Pad - 1
Mārā harjī shu het na dīse re,
tene gher shīd jaīe,
Tene sange shīd rahīe re...
Het vinā hukāro na devo,
jenu harakheshu haiḍu na hīse re;
Āgaḷ jaīne vāt vistāre,
jenī ānkhyumā prem na dīse re... tene 1
Bhaktibhāvno bhed na jāṇe ne,
bhurāyo thaīne bhāḷe re;
Lalīt līlāne range na rāche,
pachhī ulechī andhāru ṭāḷe re... tene 2
Nām taṇo vishvās na āve,
ne ūnḍu te ūnḍu shodhe re;
Jāhnvī tīre tarang tajīne,
pachhī taṭmā jaīne kūp khode re... tene 3
Potānā sarkhī karīne jāṇe,
Purushottamnī kāyā re;
Narsaiyānā Swāmīnī līlā,
olyā matīyā kahe chhe māyā re... tene 4
