કીર્તન મુક્તાવલી
દેખત બડ ભાગ લાગ - ધ્યાનાષ્ટક-ચર્ચરી છંદ
૧-૬૦૦૨: સદ્ગુરુ બ્રહ્માનંદ સ્વામી
Category: છંદ સંગ્રહ
દેખત બડ ભાગ લાગ, પોત સરસ નવલ પાગ;
અંતર અનુરાગ જાગ, છબિ અથાગ ભારી.
અતિ વિશાલ તિલક ભાલ, નિરખત જન હોત ન્યાલ;†
ઉન્નત ત્રય રેખ જાલ, કાલ વ્યાલ હારી.
વિલસિત ભૃંગ શ્યામ વંક, ચિંતત ઉર જાત શંક;
મૃગમદ ભર બીચ પંક, અંક ભ્રમર ગ્યાની.
જય જય ઘનશ્યામ શ્યામ, અંબુજ દ્રગ કૃત ઉદામ;
સુંદર સુખધામ નામ, સાંવરે ગુમાની... જય ꠶ ૧
શ્રોન કોન દ્રગ લકીર, તીક્ષણ મનુ કામતીર;
નાસા છબિ દીપ કીર, ધીર ધ્યાન લાવે.
કુંડલ શુભ શ્રવણ કીન, નૌતમ કૃતિ અતિ નવીન;
મનહું હેમ જુગલ મીન, ચંદ મિલન આવે.
ગુણનિધિ કપોલ ગોર, ચિતવત ચિત લેત ચોર;
તાકે બિચ દછન કોર, જોર તિલ નિશાની... જય ꠶ ૨
મંદ મંદ મુખ હસંત, દારિમ સમ પંક્તિ દંત;
સમરત માહંત સંત, ખંત ચંત કર કે.
લોભિત ચિત અધર લાલ, વિલસિત વિદ્રુમ પ્રવાલ;
રાજત અતિશય રસાલ, તાલ બંસીધર કે.
અંબક ફલ ચિબુક જાન, કંબુ સમ કંઠ માન;
ધારત શિવ આદિ ધ્યાન, આન ઉર ન આની... જય ꠶ ૩
દીરઘ અતિ દોરદંડ, મોતિન ભુજબંધ મંડ;
ખલ દલ બલ કર વિખંડ, અરિ પ્રચંડ મારે.
હિય પર બન નવલ હાર, શોભિત અતિ જલજ સાર;
દેખત જન વારવાર, અઘ અપાર ટારે.
પ્રૌઢ ઉચ્ચ ઉર પ્રથુલ, ફહરે શુભ ગંધ ફૂલ;
મનિ ભર નંગ બર અમૂલ, દૂલરી બખાની... જય ꠶ ૪
ઉદર તુંગ અતિ અનૂપ, ગુણવત તિલ સામ ગૂપ;
નાભિ માનુ પ્રેમકૂપ, રૂપ અજબ રાજે.
શોભિત હદ કટિ પ્રદેશ, કાંચી નંગ જડિત બેશ;
ચિંતત ઉરમેં મુનેશ, અઘ અશેષ ભાજે.
ઉરુ અતંત રૂપવાન, ગરુડ પીઠ શોભમાન;
નિજ જન જેહિ ધરત ધ્યાન, પ્રાન પ્રેષ્ઠ જાની... જય ꠶ ૫
જાનુ દૌ રૂપવંત, લાલિત કર શ્રી અતંત;
સમરત જેહિ મુનિ અનંત, અંત જન્મ આવે.
જન મન પ્રિય જુગલ જંગ, રોમ અલ્પ અજબ રંગ;
ચિતવત ચિત ચઢત રંગ, અતિ ઉમંગ પાવે.
ગુલ્ફન છબિ અધિક શોભ, સ્થિતિ ચલ મન દેત થોભ;
નિરખત ઉર મિટત ક્ષોભ, લોભ આદિ ગ્લાની... જય ꠶ ૬
ચરન પ્રષ્ટ ચિત હરાત, તરુ તમાલ છબિ લજાત;
સમરત તતકાલ આત, રાત પ્રાત મનમેં.
જાકું નિત શેષ ગાત, અજહું પુનિ નહિ અઘાત;
તુલસી જેહિ સ્થલ રહાત, પાત માનું જનમેં.
નખ ઉતંગ રંગ લાલ, શોભિત મનુ દીપમાલ;
રાજત કિધું ચંદ્રબાલ, ખ્યાલ કરત ધ્યાની... જય꠶ ૭
વિલસિત ચરણારવિંદ, કોમલ અતિ પ્રેમ કંદ;
ધ્યાવત ભવ મિટત ફંદ, છંદ સ્તવન બોલે.
પ્રસરત જેહિ પદ પ્રસંગ, પુન્ય ભરિત સરિત ગંગ;
અઘ વિનાશ પર્સ અંગ, હો ઉતંગ ડોલે.
રાજત મહીં ઉર્ધ્વરેખ, વજ્રાદિક સહિત પ્રેખ;
બ્રહ્માનંદ દેખ દેખ, લેખત કુરબાની... જય ꠶ ૮
†હો નિહાલ
Dekhat baḍ bhāg lāg - Dhyānāṣhṭak-Charcharī Chhand
1-6002: Sadguru Brahmanand Swami
Category: Chhand Sangrah
Dekhat baḍ bhāg lāg, pot saras naval pāg;
Antar anurāg jāg, chhabi athāg bhārī.
Ati vishāl tilak bhāl, nirakhat jan hot nyāl;
Unnat tray rekh jāl, kāl vyāl hārī.
Vilasit bhṛung Shyām vank, chintat ur jāt shank;
Mṛugmad bhar bīch pank, ank bhramar gyānī.
Jay jay Ghanshyām Shyām, ambuj drag kṛut udām;
Sundar sukhdhām nām, sāvare gumānī... Jay ° 1
Shron kon drag lakīr, tīkṣhaṇ manu kāmtīr;
Nāsā chhabi dīp kīr, dhīr dhyān lāve.
Kunḍal shubh shravaṇ kīn, nautam kṛuti ati navīn;
Manhu hem jugal mīn, chand milan āve.
Guṇnidhi kapol gor, chitvat chit let chor;
Tāke bich dachhan kor, jor til nishānī... Jay ° 2
Mand mand mukh hasant, dārim sam pankti dant;
Samarat māhant sant, khant chant kar ke.
Lobhit chit adhar lāl, vilasit vidrum pravāl;
Rājat atishay rasāl, tāl bansīdhar ke.
Ambak fal chibuk jān, kambu sam kanṭh mān;
Dhārat Shiv ādi dhyān, ān ur na ānī... Jay ° 3
Dīragh ati dordanḍ, motin bhujbandh manḍ;
Khal dal bal kar vikhanḍ, ari prachanḍ māre.
Hiy par ban naval hār, shobhit ati jalaj sār;
Dekhat jan vārvār, agh apār ṭāre.
Prauḍh uchcha ur prathul, fahare shubh gandh fūl;
Mani bhar nang bar amūl, dūlarī bakhānī... Jay ° 4
Udar tung ati anūp, guṇvat til sām gūp;
Nābhi mānu premkūp, rūp ajab rāje.
Shobhit had kaṭi pradesh, kāchī nang jaḍit besh;
Chintat urme munesh, agh asheṣh bhāje.
Uru atant rūpvān, garuḍ pīṭh shobhmān;
Nij jan jehi dharat dhyān, prān preṣhṭha jānī... Jay ° 5
Jānu dau rūpvant, lālit kar shrī atant;
Samarat jehi muni anant, ant janma āve.
Jan man priya jugal jang, rom alp ajab rang;
Chitvat chit chaḍhat rang, ati umang pāve.
Gulfan chhabi adhik shobh, sthiti chal man det thobh;
Nirakhat ur miṭat kṣhobh, lobh ādi glānī... Jay ° 6
Charan praṣhṭa chit harāt, taru tamāl chhabi lajāt;
Samarat tatkāl āt, rāt prāt manme.
Jāku nit sheṣh gāt, ajahu puni nahi aghāt;
Tulasī jehi sthal rahāt, pāt mānu janme.
Nakh utang rang lāl, shobhit manu dīpmāl;
Rājat kidhu chandrabāl, khyāl karat dhyānī... Jay° 7
Vilasit charaṇārvind, komal ati prem kand;
Dhyāvat bhav miṭat fand, chhand stavan bole.
Prasarat jehi pad prasang, punya bharit sarit gang;
Agh vināsh parsa ang, ho utang ḍole.
Rājat mahī urdhvarekh, vajrādik sahit prekh;
Brahmānand dekh dekh, lekhat kurbānī... Jay ° 8
