કીર્તન મુક્તાવલી
મારું મનગમતું કરી માવ સુખડું દીધું રે
૧-૭૬૮: સદ્ગુરુ મુક્તાનંદ સ્વામી
Category: લીલાનાં પદો
પદ - ૩
મારું મનગમતું કરી માવ, સુખડું દીધું રે,
મારું મંદિરિયું મહારાજ, અક્ષર કીધું રે... ꠶ ૧
હવે રહો રસિયા દિનરાત, કરી મન હેઠું રે,
મુને મળી ચિંતામણિ શ્યામ, દુઃખ નહિ વેઠું રે... ꠶ ૨
મને સરવે સૈયરમાં શ્યામ, કીધી સમોતી રે,
મારા હૈડા કેરી હામ, સર્વે પોતી રે... ꠶ ૩
વા’લા મુજ નગણી પર નાથ, અઢળક ઢળિયા રે,
તમે એકાંતે અલબેલ, આવીને મળિયા રે... ꠶ ૪
મુને મુખથી દીધો તંબોળ, હસીને બોલાવી રે,
મારા મનની ઇચ્છા આજ, સઘળી ફાવી રે... ꠶ ૫
તમે રસિયાજી રસરીત, શું સુખ આપ્યું રે,
મુક્તાનંદ કહે મહારાજ, દુઃખડું કાપ્યું રે... ꠶ ૬
Māru mangamtu karī māv sukhḍu dīdhu re
1-768: Sadguru Muktanand Swami
Category: Leelana Pad
Pad - 3
Māru mangamtu karī māv, sukhḍu dīdhu re,
Māru mandiriyu Mahārāj, Akṣhar kīdhu re... ° 1
Have raho rasiyā dinrāt, karī man heṭhu re,
Mune maḷī chintāmaṇi Shyām, dukh nahi veṭhu re... ° 2
Mane sarve saiyarmā Shyām, kīdhī samotī re,
Mārā haiḍā kerī hām, sarve potī re... ° 3
Vā’lā muj nagṇī par Nāth, aḍhaḷak ḍhaḷiyā re,
Tame ekānte alabel, āvīne maḷiyā re... ° 4
Mune mukhthī dīdho tamboḷa, hasīne bolāvī re,
Mārā mannī ichchhā āj, saghaḷī fāvī re... ° 5
Tame rasiyājī rasrīt, shu sukh āpyu re,
Muktānand kahe Mahārāj, dukhḍu kāpyu re... ° 6
