કીર્તન મુક્તાવલી
પ્રભાતે ફૂલડિયાં ફૂલે સાંજે તે કરમાશે જી
૧-૪૬૯: નારાયણદાસ
Category: ઉપદેશનાં પદો
પદ - ૨
પ્રભાતે ફૂલડિયાં ફૂલે, સાંજે તે કરમાશે જી;
નિત્ય બાગમાં નવીન કળીઓ, ખીલીને ખરી જાશે જી... ૧
એ પ્રમાણે જગત જાય છે, જળની પેઠે વહેતું જી;
નાનાં મોટાં નિત્ય મરે છે, અમર નથી કોઈ રહેતું જી... ૨
કુંભકરણ ને રાવણ સરખા, કાયા મૂકી ચાલ્યા જી;
કળિયા છળિયા બળિયા ચાલ્યા, હાથ ઘસીને ઠાલા જી... ૩
સુરાસુર ને ઇન્દ્ર ચંદ્ર, અવનિ તે પણ જાશે જી;
દાનવ ને માનવ મરવાના, કહ્યું છે નારણદાસે જી... ૪
Prabhāte fūlaḍiyā fūle sānje te karmāshe jī
1-469: Narayandas
Category: Updeshna Pad
Pad - 2
Prabhāte fūlaḍiyā fūle, sānje te karmāshe jī;
Nitya bāgmā navīn kaḷīo, khīlīne kharī jāshe jī... 1
E pramāṇe jagat jāy chhe, jaḷnī peṭhe vahetu jī;
Nānā moṭā nitya mare chhe, amar nathī koī rahetu jī... 2
Kumbhkaraṇ ne Rāvaṇ sarkhā, kāyā mūkī chālyā jī;
Kaḷīyā chhaḷīyā baḷīyā chālyā, hāth ghāsīne ṭhālā jī... 3
Surāsur ne Indra chandra, avni te paṇ jāshe jī;
Dānav ne mānav marvānā, kahyu chhe Nāraṇdāse jī... 4
