કીર્તન મુક્તાવલી
સદા કરવો રે હરિજનનો સંગ
૧-૭૦૯: સદ્ગુરુ મુક્તાનંદ સ્વામી
Category: સંત મહિમાનાં પદો
પદ - ૪
સદા કરવો રે, હરિજનનો સંગ;
દુર્લભ દર્શન સંતનાં... ꠶ટેક
જી રે સંત સભા મધ્યે શ્રીહરિ, સદા રહે છે રે,
વા’લો અક્ષરનાથ અડસઠ તીરથ જેના ચરણમાં;
એવા સંતથી રે, વેગે થઈએ સનાથ... દુર્લભ꠶ ૧
જી રે સંત મળ્યા તેને હરિ મળ્યા, એનો મહિમા રે,
વદે વેદ પુરાણ, સાખ્ય પ્રગટ સંસારમાં;
શુક નારદ રે, પામ્યા પદ નિરવાણ... દુર્લભ꠶ ૨
જી રે સંત વચન સાચા ગણી, ગયો વનમાં રે,
ધ્રુવ નાનકડો બાળ, પ્રગટ પ્રભુને તે પામિયો;
થયો અવિચળ રે, જશ વાધ્યો વિશાળ... દુર્લભ꠶ ૩
જી રે એવું જાણી અહંતા તજી, શુદ્ધ ભાવે રે,
કરવી સંતની સેવ, મનુષ્યભાવ મનથી તજો;
મુક્તાનંદ કહે રે, સાચા સંત છે દેવ... દુર્લભ꠶ ૪
Sadā karvo re harijanno sang
1-709: Sadguru Muktanand Swami
Category: Sant Mahima Pad
Pad - 4
Sadā karvo re, harijanno sang;
Durlabh darshan santnā...
Jī re sant sabhā madhye Shrī Hari, sadā rahe chhe re,
Vā’lo Aksharnāth aḍsaṭh tīrath jenā charaṇmā;
Evā santthī re, vege thaīe sanāth... durlabh 1
Jī re sant maḷyā tene Hari maḷyā, eno mahimā re,
Vaḍe Veda Pūrāṇ, sākhya pragaṭ sansārmā;
Shuk Nārad re, pāmyā pad nirvāṇ... durlabh 2
Jī re sant vachan sāchā gaṇī, gayo vanmā re,
Dhruv nānakḍo bāḷ, pragaṭ Prabhune te pāmīyo;
Thayo avichaḷ re, jash vādhyo vishāḷ... durlabh 3
Jī re evu jāṇī ahantā tajī, shuddh bhāve re,
Karavī santnī sev, manushyabhāv manthī tajo;
Muktānand kahe re, sāchā sant chhe Dev... durlabh 4
