કીર્તન મુક્તાવલી
ગિરનારી સિદ્ધોએ અમને ગાથા - ગુણાતીત યશગાથા
૨-૧૦૪: દેવેન્દ્ર પટેલ
Category: ગુણાતીતાનંદ સ્વામીનાં પદો
દોહા
શારદ ચંદ્ર ઉદય થયો, વરસ્યા અમૃત નીર,
આનંદ ઉચ્છવ છાઈ રહ્યો, ઉંડ નદીને તીર... ૧
મૂળ અક્ષર મૂળજી થઈ, પ્રગટ્યા ભાદરા ગામ,
ત્યાગી થઈ જૂનાગઢ રહ્યા, ધર્યું ગુણાતીતાનંદ નામ... ૨
ગિરનારી સિદ્ધોએ અમને ગાથા દિવ્ય સુણાવી’તી,
ગુણાતીતાનંદ સ્વામીએ અહીં બ્રહ્મ ધૂણી ધખાવી’તી... ꠶ટેક
ગૃહ ત્યજીને મૂળજી નિસર્યા કરવા કાર્યની સિદ્ધિ,
શ્રીજીએ મહાયજ્ઞ કરીને દીક્ષા ડભાણમાં દીધી,
અનાદિ આ ધામ અમારું ઓળખ એવી દીધી,
પોષી પૂનમના ચંદ્રમાએ સોળે કળા ફેલાવી’તી... ૧
મહાધ્યાનના અભ્યાસી સ્વામી સેવા સર્વની કરતા,
આગ્રહી ધર્મપાલનના નિરોધ વૃત્તિનો એ કરતા,
સ્વામીમાં રહેવા ત્યાગ વૈરાગ્ય સ્પર્ધા નિરંતર કરતા,
સત્સંગના સંસ્કારની ગંગા સ્વામીએ વહાવી’તી... ૨
વેદાંતીઓને સમજાવવા નિજ તેજને પાથરતા,
દર્શનમાં શ્રદ્ધા અલૌકિક ઊભા વર્ષામાં પલળતા,
વિષય વહેમને છોડાવવાને ગામો ગામ વિચરતા,
ભવોભવની વજ્ર બેડીઓ સ્વામીએ તોડાવી’તી... ૩
ગામ સાવરમાં પીડનારને વરદાન પુત્રનું અર્પ્યું,
જૂનાગઢ મંદિરનું શ્રીજીએ મહંત-પદ સોંપ્યું,
મુજ જૈસા ફકીર આ છે એવું નવાબને સમજાવ્યું,
ચાલીશ વર્ષની મહંત પદવી સ્વામીએ શોભાવી’તી... ૪
ગુણાતીતાનંદ ધામ અમારું શ્રીજીએ સમજાવ્યું,
આ જેવા કોઈ સાધુ નહિ એમ તિલક કરીને બતાવ્યું,
જુગ જુગ જીવો આવા જોગિયા છડીથી સૌને દર્શાવ્યું,
સ્વામીમાં હું અખંડ રહ્યો છું વાત શ્રીજીએ ભાખી’તી... ૫
અડતામાં અળગું કરે એવી વાતો બહુ વરસાવી,
માયાના તો અંગે અંગે જ્વાળાઓ સળગાવી,
સર્વાવતારી શ્રીજી એવી સૌને પ્રતીતિ કરાવી,
સર્વોપરીપણાની મોરલી સ્વામીએ વગાડી’તી... ૬
ગુણાતીતની તો વાત અનેરી પરમહંસો ગાતા,
ખારા જીવો ને મીઠા કરતા રંકને રાજા કરતા,
વચન સિદ્ધ એ સમર્થ શિષ્યો સ્વામીના સોહાતા,
જૂનાગઢના જોગીની ગાથા ઘેર ઘેર ગવાતી’તી... ૭
સ્વામીના સૌ સત્સંગીઓના આદર્શો લેવાયા,
બ્રહ્મવિદ્યાના ગુરુકુળમાં લાખો તો રંગાયા,
બ્રહ્મસ્વરૂપ ભગતજી સ્વામીના વારસ કા’વ્યા,
બ્રહ્મમોલ જાવાની નોબત સ્વામીએ ગગડાવી’તી... ૮
ચિરંજીવ રહ્યા છે સ્વામી ભલે ને ખોળિયું બદલાયું,
ભગતજી શાસ્ત્રીજીના પગલે યોગીએ શોભાવ્યું,
પ્રમુખસ્વામીની સાધુતાએ સકળ જગત ડોલાવ્યું,
અક્ષરજ્યોત અખંડ રહી છે શ્રીજીએ પ્રગટાવી’તી... ૯
Girnārī siddhoe amne gāthā - Guṇātīt Yashgāthā
2-104: Devendra Patel
Category: Gunatitanand Swami
Dohā
Shārad chandra uday thayo, varasyā amṛut nīr,
Ānand uchchhav chhāī rahyo, Unḍ Nadīne tīr... 1
Mūḷ Akṣhar Mūḷjī thaī, pragaṭyā Bhādrā gām,
Tyāgī thaī Jūnāgaḍh rahyā, dharyu Guṇātītānand nām... 2
Girnārī siddhoe amne gāthā divya suṇāvī’tī,
Guṇātītānand Swāmīe ahī brahma dhūṇī dhakhāvī’tī... °ṭek
Gṛuh tyajīne Mūḷjī nisaryā karvā kāryanī siddhi,
Shrījīe mahāyagna karīne dīkṣhā Ḍabhāṇmā dīdhī,
Anādi ā Dhām amāru oḷakh evī dīdhī,
Poṣhī Pūnamnā chandramāe soḷe kaḷā felāvī’tī... 1
Mahādhyānnā abhyāsī Swāmī sevā sarvanī kartā,
Āgrahī dharmapālannā nirodh vṛuttino e kartā,
Swāmīmā rahevā tyāg vairāgya spardhā nirantar kartā,
Satsangnā sanskārnī Gangā Swāmīe vahāvī’tī... 2
Vedāntīone samajāvvā nij tejne pāthartā,
Darshanmā shraddhā alaukik ūbhā varṣhāmā palaḷtā,
Viṣhay vahemne chhoḍāvvāne gāmo gām vichartā,
Bhavobhavnā vajra beḍīo Swāmīe toḍāvī’tī... 3
Gām Sāvarmā pīḍanārne vardān putranu arpyu,
Jūnāgaḍh mandirnu Shrījīe mahant-pad sopyu,
Muj jaisā fakīr ā chhe evu Navābne samajāvyu,
Chālīsh varṣhnī mahant padavī Swāmīe shobhāvī’tī... 4
Guṇātītānand dhām amāru Shrījīe samajāvyu,
Ā jevā koī sādhu nahi em tilak karīne batāvyu,
Jug jug jīvo āvā jogiyā chhaḍīthī saune darshāvyu,
Swāmīmā hu akhanḍ rahyo chhu vāt Shrījīe bhākhī’tī... 5
Aḍatāmā aḷagu kare evī vāto bahu varsāvī,
Māyānā to ange ange jvāḷāo saḷgāvī,
Sarvāvatārī Shrījī evī saune pratīti karāvī,
Sarvoparīpaṇānī moralī Swāmīe vagāḍī’tī... 6
Guṇātītanī to vāt anerī paramhanso gātā,
Khārā jīvo ne mīṭhā kartā rankne rājā kartā,
Vachan siddh e samarth shiṣhyo Swāmīnā sohātā,
Jūnāgaḍhnā Jogīnī gāthā gher gher gavātī’tī... 7
Swāmīnā sau satsangīonā ādarsho levāyā,
Brahmavidyānā gurukuḷmā lākho to rangāyā,
Brahmaswarūp Bhagatjī Swāmīnā vāras kā’vyā,
Brahmamol jāvānī nobat Swāmīe gagḍāvī’tī... 8
Chiranjīv rahyā chhe Swāmī bhale ne khoḷiyu badlāyu,
Bhagatjī Shāstrījīnā pagale Yogīe shobhāvyu,
Pramukh Swāmīnī sādhutāe sakaḷ jagat ḍolāvyu,
Akṣharjyot akhanḍ rahī chhe Shrījīe pragaṭāvī’tī... 9