કીર્તન મુક્તાવલી
ધર્મ ભક્તિ લહિ દિવ્યગતિ સંતત દિવ્ય શરીર
૨-૪૬: સદ્ગુરુ બ્રહ્માનંદ સ્વામી
Category: શ્રીહરિનાં પદો
દોહા
ધર્મ ભક્તિ લહિ દિવ્યગતિ, સંતત દિવ્ય શરીર ।
સેં હરિ ઢિગમેં રહત ભયે, બહુરી આપ નરવીર ॥૧॥
નિજ સંબંધીકો જાનબિન, નિત મજ્જન કે મિષ ।
તીવ્ર વિરતિ કે વેગ તેં, સ્વગૃહ ત્યાગ કિય ઈશ ॥૨॥
અરુ ઈકાકી ચલ ઉદીચી દિક, તપસું કરન કે હેત ।
નિકસત ભયે અરુ સોહ કસ, બહિર્વાસ હિ સમેત ॥૩॥
ચોપાઈ
ધરકૌપીન પીન મૃગછાલા, ઢાકદંડ ભુજદંડ વિશાલા ।
શ્વેત જનેઉ કંઠ બિચ માલા, દુસર તુલસી કી ધર વૃષલાલા ॥૧॥
ઉર્ધ્વપુંડ ટીકા યુત નીકા, તિલક ચિહ્ન સુંદર અવધીકા ।
મસ્તક જટા જૂટ સુખકારી, કટિ મેં મુંજ મેખલા ધારી ॥૨॥
કરકમંડલા જપ કી માલા, જલ છાનનકા પટ ઉજિયાલા ।
યહ વસ્તૂધર રહ જગવંદા, શાલગ્રામ યૂં બાલમુકુંદા ॥૩॥
કાબટુવા તિનકો ગલધારા, ગુટકા અંસધાર ચહુ સારા ।
અસધારત કર વેષ ઉદારા, નીલકંઠ બટુ સરયૂપારા ॥૪॥
હોકર ઉત્તર દિશા પ્રયાના, ચલત ચલત કિતને દિન ઠાના ।
હિમગિરિનિકટ મહાવન આયા, તિનકો પાવત ભયે સુરરાયા ॥૫॥
તહંતે ચલત ભયે કછુ કાલા, હિમ અગ પ્રાપ્ત ભયે વૃષલાલા ।
તેહિ ભૂભૃત ચાલત કછુ દ્યોષા, મુક્તનાથ પ્રતિ આય અદોષા ॥૬॥
કીન ઉગ્ર તપ દિન મતિ તોષા, તહં કછુ માસ રહે બિનરોષા ।
તહં તે દિક દચ્છિન જુ પયાના, હિમગિરિમધિ ઈક વિપિન ભયાના ॥૭॥
તિનમધિ વિચરત સૂરજ માસા, નીલકંઠ બટુ પરમ પ્રકાશા ।
સોવન કે બટતરુતર છાયે, તપયોગી ગોપાલ સુહાયે ॥૮॥
તિન દેખત ભયે યોગી પાસૂ, રહ અષ્ટાંગયોગ શિખતાસૂ ।
એક અબ્દ રહ કૃપા નિધાના, યોગિન નિજસ્વરૂપ દિય જ્ઞાના ॥૯॥
સિદ્ધગતિ કો પ્રાપત કીના, તહંતે પથ ઉત્તરકા લીના ।
નીલકંઠ બટુ આદિ વરાહા, તીર્થ તાસુ પાયે શુભરાહા ॥૧૦॥
- વ્રજભાષા વચનામૃત
Dharma Bhakti lahi divyagati santat divya sharīr
2-46: Sadguru Brahmanand Swami
Category: Shri Harina Pad
Dohā
Dharma Bhakti lahi divyagati, santat divya sharīr |
Se hari ḍhigme rahat bhaye, bahurī āp narvīr ||1||
Nij sambandhīko jānbin, nit majjan ke miṣh |
Tīvra virati ke veg te, swagṛuh tyāg kiya īsh ||2||
Aru īkākī chal udīchī dik, tapsu karan ke het |
Niksat bhaye aru soh kas, bahirvās hi samet ||3||
Chopāī
Dharkaupīn pīn mṛugchhālā, ḍhākdanḍa bhujdanḍa vishālā |
Shvet janeu kanṭh bich mālā, dusar tulasī kī dhar Vṛuṣhlālā ||1||
Urdhvapunḍa ṭīkā yut nīkā, tilak chihna sundar avadhīkā |
Mastak jaṭā jūṭ sukhkārī, kaṭi me munj mekhalā dhārī ||2||
Kar-kamanḍalā jap kī mālā, jal chhānanakā paṭ ujiyālā |
Yah vastūdhar rah jagvandā, shālgrām yū bālmukundā ||3||
Kābaṭuvā tinko galdhārā, guṭkā ansadhār chahu sārā |
Asadhārat kar veṣh udārā, Nīlkanṭh baṭu Sarayūpārā ||4||
Hokar uttar dishā prayānā, chalat chalat kitne din ṭhānā |
Himgirinikaṭ mahāvan āyā, tinko pāvat bhaye surrāyā ||5||
Tahate chalat bhaye kachhu kālā, him ag prāpta bhaye Vṛuṣhlālā |
Tehi bhūbhṛut chālat kachhu dyoṣhā, muktanāth prati āy adoṣhā ||6||
Kīn ugra tap din mati toṣhā, tah kachhu mās rahe binroṣhā |
Tah te dik dachchhin ju payānā, himgirimadhi īk vipin bhayānā ||7||
Tinmadhi vicharat sūraj māsā, Nīlkanṭh baṭu param prakāshā |
Sovan ke baṭatrutar chhāye, tapyogī Gopāl suhāye ||8||
Tin dekhat bhaye Yogī pāsū, rah aṣhṭāngyog shikhtāsū |
Ek abda rah kṛupā nidhānā, yogin nijswarūp diya gnānā ||9||
Siddhagati ko prāpat kīnā, tahate path uttarkā līnā |
Nīlkanṭh baṭu ādi varāhā, tīrtha tāsu pāye shubhrāhā ||10||
- Vrajbhāṣhā Vachanāmṛut
Listen to ‘ધર્મ ભક્તિ લહિ દિવ્યગતિ સંતત દિવ્ય શરીર’
Sadhu Madhurvadandas
