કીર્તન મુક્તાવલી
મારે મંદિર ના’વો રે કે મોહન શા માટે
૨-૧૦૫૩: સદ્ગુરુ બ્રહ્માનંદ સ્વામી
Category: ઉપદેશનાં પદો
મારે મંદિર ના’વો રે, કે મોહન શા માટે;
શિર સાટે ઘોળ્યું રે, કે વાલમ તમ માટે. ૧
શું કરશે ધોળ્યા રે, કે જૂઠા સંસારી;
ધરશો મા શંકા રે, કે મનમાં ગિરધારી. ૨
જગજીવન તમને રે, કે સાચા જાણીને;
કોણ માને જગની રે, કે ખોટી વાણીને. ૩
મારે મનડે ભાવ્યા રે, કે મોહન મરમાળા;
સો માથાં જાતાં રે, કે સોંઘા છોગાળા. ૪
તમ સાથે જોડી રે, કે સૌથી તોડીને;
દુરિજન શું કરશે રે, કે મુખડા મોડીને. ૫
શિરસાટે સમજી રે, કે બાંધ્યું છે બેલું;
બ્રહ્માનંદના વ્હાલા રે, કે તમને કેમ મેલું. ૬
Māre mandir nā’vo re ke Mohan shā māṭe
2-1053: Sadguru Brahmanand Swami
Category: Updeshna Pad
Māre mandir nā’vo re, ke Mohan shā māṭe;
Shir sāṭe ghoḷyu re, ke vālam tam māṭe. 1
Shu karashe dhoḷyā re, ke jūṭhā sansārī;
Dharasho mā shankā re, ke manmā Girdhārī. 2
Jagjīvan tamane re, ke sāchā jāṇīne;
Koṇ māne jagnī re, ke khoṭī vāṇīne. 3
Māre manaḍe bhāvyā re, ke Mohan marmāḷā;
So māthā jātā re, ke songhā chhogāḷā. 4
Tam sāthe joḍī re, ke sauthī toḍīne;
Durijan shu karashe re, ke mukhaḍā moḍīne. 5
Shir-sāṭe samajī re, ke bāndhyu chhe belu;
Brahmānandnā vhālā re, ke tamane kem melu. 6
