કીર્તન મુક્તાવલી
કરુણામય મૂર્તિ મોહન રે જનતણા મન હરો છો
૨-૧૯: સદ્ગુરુ નિષ્કુળાનંદ સ્વામી
Category: શ્રીહરિનાં પદો
પદ - ૧
(‘સાચા સંતના અંગ એંધાણ રે’ - એ ઢાળ)
કરુણામય મૂર્તિ મોહન રે, જનતણા મન હરો છો;
કરુણાની દૃષ્ટિ કરીને રે, કારજ અમારાં કરો છો ꠶ ૧
કરુણામય મુખની વાણી રે, શીતળ સરખું બોલો છો;
નથી રેહતું કહેવા કેડે રે, બોલીને બંધ ખોલો છો ꠶ ૨
કરુણામય મુખની કાંતિ રે, શોભે છે સુંદર સારી;
મોહનજી તારા મુખ પર રે, વાલમજી જાઉં વારી ꠶ ૩
કરુણામય હાસ વિલાસ રે, લીધું મન કરને લટકે;
તારી ચાંખડિયું ચમકાળી રે, ચાલો છો ચટકે લટકે ꠶ ૪
કરુણામય અંગ આભૂષણ રે, કરુણામય વસ્ત્ર વા’લા;
કરુણાનું રૂપ ધર્યું છે રે, નીરખી જોયા નંદલાલા ꠶ ૫
કરુણામય કરિયાં સર્વે રે, યત્કિંચિત કારજ કાંઈ;
નથી તજવા જેવું તેમાં રે, ભજવા સરખું સુખદાઈ ꠶ ૬
કરુણામય કૃપા કરીને રે, નર તન રૂપે નાથ થયા;
દીનબંધુ દીનદયાળ રે, અમ ઉપર્ય કાંઈ કરી દયા ꠶ ૭
મોહનજી મે’ર કરીને રે, આનંદ દેવા આવ્યા છો;
નિષ્કુળાનંદના સ્વામી રે, વાલા અમને ભાવ્યા છો ꠶ ૮
Karuṇāmay mūrti Mohan re jantaṇā man haro chho
2-19: Sadguru Nishkulanand Swami
Category: Shri Harina Pad
Pad - 1
(‘Sāchā santnā ang endhāṇ re’ - E ḍhāḷ)
Karuṇāmay mūrti Mohan re, jantaṇā man haro chho;
Karuṇānī draṣhṭi karīne re, kāraj amārā karo chho ° 1
Karuṇāmay mukhnī vāṇī re, shītaḷ sarakhu bolo chho;
Nathī rehatu kahevā keḍe re, bolīne bandha kholo chho ° 2
Karuṇāmay mukhnī kānti re, shobhe chhe sundar sārī;
Mohanjī tārā mukh par re, vālamjī jāu vārī ° 3
Karuṇāmay hās vilās re, līdhu man karne laṭke;
Tārī chākhaḍiyu chamkāḷī re, chālo chho chaṭke laṭke ° 4
Karuṇāmay ang ābhūṣhaṇ re, karuṇāmay vastra vā’lā;
Karuṇānu rūp dharyu chhe re, nīrakhī joyā Nandlālā ° 5
Karuṇāmay kariyā sarve re, yatkinchit kāraj kāī;
Nathī tajvā jevu temā re, bhajvā sarkhu sukhdāī ° 6
Karuṇāmay kṛupā karīne re, nar tan rūpe Nāth thayā;
Dīnbandhu dīndayāḷ re, am uparya kāī karī dayā ° 7
Mohanjī me’r karīne re, ānand devā āvyā chho;
Niṣhkuḷānandnā Swāmī re, vālā amane bhāvyā chho ° 8
