કીર્તન મુક્તાવલી
મેં તો સુખના સિંધુ જોઈ રે બુદ્ધિ મારી ત્યાં બૂડી
૨-૨૦: સદ્ગુરુ નિષ્કુળાનંદ સ્વામી
Category: શ્રીહરિનાં પદો
પદ - ૨
(‘સાચા સંતના અંગ એંધાણ રે’ - એ ઢાળ)
મેં તો સુખના સિંધુ જોઈ રે, બુદ્ધિ મારી ત્યાં બૂડી;
મારે અરસપરસ એહ સાથે રે, બીજી સમજણ નહિ ઊંડી ꠶ ૧
હું તો કુંભક રેચક પૂરક રે, જાણું નહિ કાંઈ સાધીને;
અમે પ્રાણ અપાનને રુંધી રે, સમજું નહિ સમાધિને ꠶ ૨
મુને આંખ્ય વિંચિને અંતર રે, જોતાં નથી આવડતું;
મારે પરગટ મૂકી બીજું રે, ચિત્તે કાંઈ નથી ચડતું ꠶ ૩
હું તો લીલાચરિત્ર લટકાં રે, વારમવાર વિચારું છું;
મારા અંતરમાં અલબેલો રે, શામળિયો સંભારું છું ꠶ ૪
મારે એ સંધ્યા ને સેવા રે, રાત દિવસ રુદિયે રાખું;
હું તો જીવનનું મુખ જોઈ રે, અંતરમાંયે અભિલાખું ꠶ ૫
મારે રે’ છે સુખ ને શાંતિ રે, અંતરમાં એણી રીત્યે;
ગુન ગાઉં છું ગોવિંદના રે, પ્રેમ કરી પૂરણ પ્રીત્યે ꠶ ૬
મારે ઈ છે વાત અંતરની રે, બા’ર્યે કંઈક બોલીને;
નથી કરવું બીજું કાંઈ રે, ભૂધરજીને ભૂલીને ꠶ ૭
સખી એ છે નાથ અમારો રે, અમે તો છૈયે એને;
નિષ્કુળાનંદના સ્વામીને રે, ભૂલીને ભજીએ કેને ꠶ ૮
Me to sukhnā sindhu joī re buddhi mārī tyā būḍī
2-20: Sadguru Nishkulanand Swami
Category: Shri Harina Pad
Pad - 2
(‘Sāchā santnā ang endhāṇ re’ - E ḍhāḷ)
Me to sukhnā sindhu joī re, buddhi mārī tyā būḍī;
Māre aras-paras eh sāthe re, bījī samjaṇ nahi ūnḍī ° 1
Hu to kumbhak rechak pūrak re, jāṇu nahi kāī sādhīne;
Ame prāṇ apānne rundhī re, samaju nahi samādhine ° 2
Mune ānkhya vinchine antar re, jotā nathī āvaḍtu;
Māre pargaṭ mūkī bīju re, chitte kāī nathī chaḍtu ° 3
Hu to līlā-charitra laṭkā re, vāramvār vichāru chhu;
Mārā antarmā Albelo re, Shāmaḷiyo sambhāru chhu ° 4
Māre e sandhyā ne sevā re, rāt divas rudiye rākhu;
Hu to jīvannu mukh joī re, antarmāye abhilākhu ° 5
Māre re’ chhe sukh ne shānti re, antarmā eṇī rītye;
Gun gāu chhu Govindnā re, prem karī pūraṇ prītye ° 6
Māre ī chhe vāt antarnī re, bā’rye kaīk bolīne;
Nathī karvu bīju kāī re, bhūdharjīne bhūlīne ° 7
Sakhī e chhe Nāth amāro re, ame to chhaiye ene;
Niṣhkuḷānandnā Swāmīne re, bhūlīne bhajīe kene ° 8
Listen to ‘મેં તો સુખના સિંધુ જોઈ રે બુદ્ધિ મારી ત્યાં બૂડી’
Sadhu Gurukirtandas
