પ્રમુખસ્વામીના પાવનકારી ગુણલા અપરંપાર,

પ્રીતમ જ્યાં જ્યાં પાવ ધરે ત્યાં, આનંદ ઊભરે અપાર.. ટેક

પ્રીતમ આવ્યાની ખબર પડે ને શેરી સજે શણગાર,

 ઝૂમી રહે માનવનાં મનડાં, કરતાં જયજયકાર... પ્રમુખ ૧

પગલે પગલે પ્રમુખસ્વામીએ ધર્મના દીપ જલાવ્યા,

મહેલે ઝૂંપડે ઘર ઘર ઘૂમી ભક્તિભાવ જગાવ્યા,

 સહજાનંદી ભગવા રંગે, વિશ્વ સકલ રંગનાર... પ્રમુખ ૨

જેના સ્મરણમાં છે પરમાનંદ, મંગલમય છે સ્વામી,

ભક્તિભીનું હૃદિયું એનું, શ્રીજીમય છે સ્વામી,

 જીવનધન સ્વામી છે અમારા, મોક્ષ તણા દાતાર... પ્રમુખ ૩

નગર નગરના રાજવીઓએ સ્વામીને હોંશે વધાવ્યા,

વિશ્વવંદનીય પ્રમુખસ્વામીને સંતોએ બિરદાવ્યા,

 આ ધરણી પર પ્રમુખસ્વરૂપે શ્રીજી કરે ટહુકાર... પ્રમુખ ૪