આ દેહ કર્યો કુરબાન પ્રમુખજી અમે તમારા પગલે,

એક રાજી કરવા તાન પ્રમુખજી! આજ તમારા પગલે! – ધ્રુવ

શાસ્ત્રીજી મહારાજે તમને ચાદર દિવ્ય ઓઢાડી,

આશિષ યોગીરાજ તણા લઈ નવખંડે વિસ્તારી,

 કરી પ્રતિજ્ઞા હે સ્વામી! કર્તવ્ય બજાવીશ મારું,

 તજી દેહની પરવા, અંતિમ શ્વાસ લગી એ ધારું,

 અક્ષરપુરુષોત્તમ ફૂલવાડી મઘમઘતી કરવાને... આ દેહ કર્યો (૧)

શક્તિ દેજો, ભક્તિ દેજો, આશિષ દેજો અમને,

બી.એ.પી.એસ.ના છીએ સમર્પિત, રાજી કરીએ તમને,

 સત્સંગ અજવાળાં પાથરવા ઘરઘર જ્યોત જગવીએ,

 મહિમા ને કર્તવ્ય યોગ વર્તનથી વાતો કરીએ,

 સંપ, સુહૃદ્‌ભાવ સત્સંગ સેવા અક્ષરધામ જવાને... આ દેહ કર્યો (૨)

ધર્મ-નિયમમાં અડગ રહું, કર્તવ્ય મારું છે,

સંસ્થાનો આદર્શ બનું, કર્તવ્ય મારું છે,

સેવા-જવાબદારી લઉં, કર્તવ્ય મારું છે,

દાસ તણો હું દાસ થઉં, કર્તવ્ય મારું છે,

ખમી ઘસાઈ નમ્ર બનું, કર્તવ્ય મારું છે,

અંતરમાં ગુરુ-વચન ધરું, કર્તવ્ય મારું છે,

પ્રમુખસ્વામીને રાજી કરું, કર્તવ્ય મારું છે,

અક્ષરધામ નિશાન એક, કર્તવ્ય મારું છે.