સ્નેહગીતા

પદ ૧

રાગ: ગોડ મલાર

પ્રીતની રીત છે જો ન્યારીરી... પ્રી૦

જેહની બંધાણી તેણે રે જાણી, બીજા ન જાણે લગારીરી... પ્રી꠶ ॥૧॥

ચકોર સ્નેહી ચંદ્ર વદનનો, વણ દીઠે દુઃખ ભારી ।

મીન સ્નેહી જાણો રે જળનો, પ્રાણ તજે વિન વારીરી... પ્રી꠶ ॥૨॥

પ્રીત પતંગ¹ પ્રાણ પાવકમાં, ² દેખત દૃગ દેત જારી³ ।

ચાતક સ્નેહી સદાયે સ્વાંતનો, મરે પિયુપિયુ પોકારીરી... પ્રી꠶ ॥૩॥

પ્રીતિની રીત પ્રસિદ્ધ પ્રતીજે, ⁴ કીજે તો કીજે વિચારી ।

નિષ્કુળાનંદ એવા સ્નેહીને સંગે, સદાયે રહે છે મુરારીરી... પ્રી꠶ ॥૪॥ પદ ॥૧॥