કીર્તન મુક્તાવલી
2-1226: વળી વખાણું જળની ક્રીડા
વળી વખાણું જળની ક્રીડા
સદ્ગુરુ પ્રેમાનંદ સ્વામી
પદ - ૮/૧૬
વળી વખાણું જળની ક્રીડા, સાંભળતામાં હરે ભવપીડા. ૧
ડુબકી મારે જળમાં હરિ જ્યારે, વહે શિર પર જળ છત્રાકારે. ૨
જાણીયે શેષજીયે ફણા વિસ્તારી, એમ જણાય ગંગાનાં વારી. ૩
ડુબકી મારીને મુખ કાઢે બારે, જમણો હાથ ફેરે છે મુખ પર ત્યારે. ૪
સહજ સ્વભાવે કોગળા કરે છે, સરવે મુનિના મનને હરે છે. ૫
સજલ જલજસમ મુખ બહુ શોભે, મુનિ હરિજનના ચિત્તને લોભે. ૬
ક્યારે નદી મધ્ય પ્રવાહમાં ઊભા, જળની રમતના કરે મનસુબા. ૭
મુનિ હરિજનને મેલે તણાતા, બહુ પછડાયે તે જાતા જાતા. ૮
તેને જોઈ બહુ હસે અલબેલો, વળી એક બીજાને મારે હડસેલો. ૯
એમ જળક્રીડા કરે બહુ શ્યામ, પ્રેમાનંદનો સ્વામી પૂરણકામ. ૧૦