પ્રમુખસ્વામી હરદમ અમને, તમારું સ્મરણ રહ્યા કરે,

કરો કૃપા એવી કે અમને, તમારું સ્મરણ રહ્યા કરે...

દુઃખ કાપ્યું તમે ને સુખ આપ્યું તમે,

હાથ ઝાલ્યા તમે ને સાથે ચાલ્યા તમે,

આ ઝેરીલા સંસારમાં, તવ અમીનું સિંચન થયા કરે,

પ્રમુખસ્વામી હરદમ અમને, તમારું સ્મરણ રહ્યા કરે... ૧

વાત સાંભળી તમે ને હૈયાં ઠાર્યાં તમે,

પ્રેમ વરસી તમે ને કોડ પૂર્યા તમે,

આ બળતા ઝળતા જીવતરમાં, તમારી કરુણા વહ્યા કરે,

પ્રમુખસ્વામી હરદમ અમને, તમારું સ્મરણ રહ્યા કરે... ૨

હેતે હીંચ્યા તમે ને ચિત્ત ખેંચ્યા તમે,

હૂંફ આપી તમે ને આંસુ લૂછ્યાં તમે,

આ ભાંગતા તૂટતા સંબંધોમાં, તમારું સ્મરણ રહ્યા કરે,

પ્રમુખસ્વામી હરદમ અમને, તમારું સ્મરણ રહ્યા કરે... ૩